Aðventutónleikar Kammerkórs Egilsstaðakirkju verða haldnir í Egilsstaðakirkju fyrsta sunnudag í aðventu, þann 27. nóvember klukkan 17:00. Kammerkór Egilsstaðakirkju er sex ára og er eini starfandi kammerkór Austurlands. Stjórnandi kórsins er Torvald Gjerde. Hann sinnir einnig undirleik ásamt hljóðfæraleikurum af Héraði og niður af fjörðum.

Á efnisskránni er að finna ýmsar aðventu- og jólaperlur, eins og Hátíð fer að höndum ein, Það aldin út er sprungin, Panis angelicus, In dulci jubilo, Laudate dominum, Slá þú hjartans hörpustrengi, White Christmas og margt fleira.

Miðaverð er aðeins 1.500 krónur, 1.000 krónur fyrir öryrkja, eldri borgara og námsmenn. Frítt fyrir grunnskólabörn. Enginn posi.

Opið hús fyrir syrgjendur er síðasta fimmtudag í mánuði kl. 20 í Kirkjuselinu, Smiðjuseli 2 Fellabæ.

Opið hús er vettvangur þar sem fólk sem syrgir og saknar getur komið og hitt aðra í sömu sporum, tjáð sig eða hlustað. Opið hús krefst engrar skuldbindingar annarrar en trúnaðar um það sem þar er sagt.
Fyrirmyndin er sótt til Nýrrar dögunar, samtaka um sorg og sorgarviðbrögð, sem hafa staðið fyrir samverum fyrir syrgjendur á höfuðborgarsvæðinu mörg undanfarin ár.

Framundan:
Jól í skugga sorgar – samvera 8. desember kl. 20

Helgihald í Egilsstaðaprestakalli fyrsta sunnudag í aðventu, 27. nóvember:

Egilsstaðakirkja: Barna- og fjölskylduguðsþjónusta kl. 10:30. Fyrsta aðventukertið tendrað. Barnakór kirkjunnar syngur undir stjórn Øysteins M. Gjerde. Rebbi refur og félagar huga að jólunum. Sr. Þorgeir Arason, Torvald Gjerde organisti og leiðtogar sunnudagaskólans þjóna. Kaffi, djús, ávextir og litamynd á sínum stað eftir stundina. Allir velkomnir, stórir og smáir!

Seyðisfjarðarkirkja: Messa og sunnudagaskóli kl. 11:00. Prestur er sr. Sigríður Rún Tryggvadóttir, organisti Tryggvi Hermannsson. Kór Seyðisfjarðarkirkju syngur. Meðhjálpari Jóhann Grétar Einarsson. Arna Magnúsdóttir leiðir sunnudagaskólann.

Sleðbrjótskirkja í Jökulsárhlíð: Aðventukvöld kl. 20:00. Ræðumaður er Stefán Bogi Sveinsson. Tónlistaratriði ættuð frá Torfastöðum og Skriðufelli, upplestur o.fl. Kór Kirkjubæjar- og Sleðbrjótssókna syngur. Organisti og söngstjóri er Daníel Arason. Heitt á könnunni eftir stundina. Allir velkomnir! Þorgeir Arason sóknarprestur og sóknarnefnd Sleðbrjótssóknar.

20. nóvember, síðasti sunnudagur kirkjuársins:

Seyðisfjarðarkirkja: Sunnudagaskóli kl. 11:00

Egilsstaðakirkja: Sunnudagaskóli kl. 10:30, sr. Sigríður Rún Tryggvadóttir og leiðtogarnir stýra líflegri gæðastund.

Guðsþjónusta á Dyngju, hjúkrunarheimili, kl. 17:00. Erla Björk Jónsdóttir þjónar. Kór Egilsstaðakirkju syngur. Organisti Torvald Gjerde.

Kvöldmessa í Egilsstaðakirkju kl. 20:00. Erla Björk Jónsdóttir guðfræðingur, starfandi héraðsprestur, predikar og þjónar fyrir altari ásamt sr. Vigfúsi I. Ingvarssyni, fv. sóknarpresti. Kór Egilsstaðakirkju, organisti Torvald Gjerde. Allir velkomnir.

Vallaneskirkja

Sunnudagurinn 13. nóvember er kristniboðsdagurinn í Þjóðkirkjunni. Helgihald í Egilsstaðaprestakalli á þeim degi:

Egilsstaðakirkja: Sunnudagaskólinn á sínum stað kl. 10:30.

Seyðisfjarðarkirkja: Fjölskylduguðsþjónusta kl. 11

Vallaneskirkja: Ljósastund kl. 20:00

Nú er Dögum myrkurs nýlokið og aðventan nálgast, af því tilefni lýsum við Vallaneskirkju upp með kertaljósum og eigum þar helgistund við lifandi ljós í skammdeginu.

Kristniboðshópurinn Fljótið tekur virkan þátt í tilefni dagsins og lesnar verða stuttar frásagnir frá Afríku og Japan. Kór Vallaness og Þingmúla syngur sálma tengda ljósi og myrkri. Organisti Torvald Gjerde. Prestur Þorgeir Arason. Meðhjálpari Ásdís Ámundadóttir. Kaffisopi eftir stundina. Verið velkomin.

Sunnudaginn 6. nóvember verður gospelmessa í Egilsstaðakirkju kl. 20:00 um kvöldið. Stúlknakórinn okkar flotti á Egilsstöðum, Liljurnar, sér um að syngja og leiða létta lofsöngva. Kórstjóri Kristín Ragnhildur Sigurðardóttir. Tryggvi Hermannsson við flygilinn. Sóknarprestur leiðir stundina og predikar. Messuþjónar lesa ritningarlestra og bænir. Meðhjálpari Ásta Sigfúsdóttir. Kaffisopi eftir messuna. Allir velkomnir.

Sunnudagaskólinn er á sínum stað kl. 10:30 í Egilsstaðakirkju og kl. 11:00 í Seyðisfjarðarkirkju.

Egilsstaðakirkja:

Sunnudagaskólinn á sínum stað kl. 10:30 – líf og fjör!

Messa kl. 18:00. Sr. Þorgeir Arason predikar og þjónar fyrir altari. Messuþjónar og fermingarbörn lesa ritningarlestra og bænir. Kór Egilsstaðakirkju syngur, organisti Torvald Gjerde. Haustsúpa að hætti Ástu Sigfúsdóttur kirkjuvarðar og sjálfboðaliða borin fram í kirkjuvængnum eftir messu. Súpan er í boði kirkjunnar en tekið við frjálsum framlögum til barna- og unglingastarfs kirkjunnar. Allir velkomnir.

Seyðisfjarðarkirkja:

Sunnudagaskólinn verður á sínum stað í kirkjunni kl. 11. Biblíusaga, Rebbi og Vaka og mikill söngur. Umsjón hefur Arna Magnúsdóttir ásamt aðstoðarleiðtogum. Djús og ávextir í safnaðarheimili eftir stundina.

Taize-messa kl. 20. Kór kirkjunnar syngur og leiðir almennan safnaðarsöng. Organisti og kórstjóri er Tryggvi Hermannsson. Í messunni minnumst við þeirra og biðjum fyrir þeim sem hafa látist og þjást vegna stríðsátakanna í Sýrlandi.

Seyðisfjarðarkirkja

Kirkjuklukkur víða um land heyrast hringja þessa dagana kl. 17:00, til og með mánudagsins 31. október. Ástæða þessa er að vekja athygli á ástandinu í Sýrlandi og til að minnast þeirra sem hafa látist og til fyrirbæna fyrir alla hina. Kirkjurnar á Borgarfirði, Egilsstöðum, Eiðum og Seyðisfirði taka þátt í þessum samstöðu- og fyrirbænahringingum.

Eins og fréttir herma er saklaust fólk limlest eða lætur lífið í stríðsátökunum í Aleppo í Sýrlandi þessa dagana. Ráðamenn virðast ekki geta fundið lausn til friðar og uppbyggingar. Við viljum vekja sem mesta athygli á þessu átaki til að alþjóðasamfélagið ranki við sér og krefjist þess að lausn verði fundin. Það getur ekkert réttlætt þjáningar barna og óbreyttra borgara í Aleppo.

Framtakið á upphaf sitt að rekja til finnska prestsins Teemu Laajasalo í Kallio sókn í lútersku kirkjunni í Finnlandi. Honum sveið ástandið, eins og okkur öllum, og ákvað að klukkum í hans kirkju skyldi hringt daglega kl. 17 frá 12. til 24. október, en 24. október er dagur Sameinuðu þjóðanna. Á Íslandi hringjum við klukkunum frá 24. til 31. október, en það er siðbótardagurinn.

Þessi hugmynd hefur breiðst út og á vefnum http://bellsforaleppo.org/ má sjá að kirkjurnar í Svíþjóð, Bretlandi og víða í Evrópu hafa gert slíkt hið sama

Frá og með 4. nóvember verða Krílasálmar í Egilsstaðakirkju frá kl.10:30 til 11:15. Næsta föstudag 28.október verða engir Krílasálmar, eins og tilkynnt var í upphafi. Hægt er að bætast í hópinn og kostar fjögurra vikna lotan í nóvember kr. 3000. Nánari upplýsingar veitir leiðbeinandinn Kristín Ragnhildur Sigurðardóttir, sími 699 4686, kristinrsig (hjá) hotmail.com.

Sunnudagaskólinn verður á sínum stað í kirkjunni kl. 11. Biblíusaga, Rebbi og Vaka og mikill söngur. Umsjón hefur Arna Magnúsdóttir ásamt aðstoðarleiðtogum.
Djús og ávextir í safnaðarheimili eftir stundina.

Taize-messa kl 20. Kór kirkjunnar syngur og leiðir almennan safnaðarsöng. Organisti og kórstjóri er Tryggvi Hermannsson. Í messunni minnumst við þeirra og biðjum fyrir þeim sem hafa
látist og þjást vegna stríðsátakana í Sýrlandi. Alla vikuna er kirkjuklukkunum hringt kl 17, til að sýna fólkinu í Aleppo samkennd og virðingu og vekja athygli á ástandinu þar.
Það er Jóhann Grétar Einarsson, sóknarnefndarformaður og meðhjálpari sem byrjar en ýmsir aðilar í samfélaginu vilja leggja málefninu lið og hringja klukkunum.