Til foreldra og forráðamanna barna á Héraði f. 2013!

Barninu þínu er boðið að taka þátt í fermingarundirbúningi þjóðkirkjunnar í Egilsstaðaprestakalli veturinn 2026-2027. Umsjón með starfinu hafa prestarnir Jarþrúður, Sigríður Rún og Þorgeir. Hægt verður að sækja fermingarfræðslu í Safnaðarheimili Egilsstaðakirkju eða í Kirkjuselinu í Fellabæ.

Í fermingarfræðslu þjóðkirkjunnar er lögð áhersla á góða samveru, helgihald kirkjunnar og að kynna og upplifa sögur Biblíunnar, boðskap Jesú, kristna siðfræði og gildi trúarinnar í daglega lífinu okkar.

Upphaf fermingarstarfsins verður með helgistund og kynningarfundi fyrir væntanleg fermingarbörn og forráðamenn:

• í Egilsstaðakirkju, þriðjudaginn 1. september kl. 20:00

Tímasetning fræðslunnar veturinn 2026-2027 (veljið einn hóp):

a) Safnaðarheimili Egilsstaðakirkju (Hörgsás 4): þriðjudaga kl. 15:45-16:45 (20 skipti)

b) Safnaðarheimili Egilsstaðakirkju (Hörgsás 4): miðvikudaga kl. 7:55-8:40 (23 skipti)

c) Kirkjuselið Fellabæ (sambyggt íþróttahúsinu): fimmtudaga, nánar auglýst síðar

Fermingarnámskeið (fermingarbúðir) í Kirkjumiðstöð Austurlands að Eiðum verður að vanda í haust. Þetta er mikilvægur og skemmtilegur hluti af fermingarvetrinum þar sem við gistum tvær nætur og tökum þátt í fjölbreyttri og líflegri dagskrá. Mæting á Eiðum sunnudaginn 20. september kl. 18:00 og heimferð þriðjudaginn 22. september kl. 12:00.

Nánari áætlun og upplýsingar um starfið í vetur verða kynntar á fundinum 1. september.

Hægt er að velja um eftirfarandi fermingardaga vorið 2027:

Áskirkja í Fellum: Nánar auglýst síðar.

Egilsstaðakirkja: 25. mars (skírdagur) og 16. maí (hvítasunnudagur) 2027. Athafnir hefjast kl. 10:30.

Aðrar kirkjur: Eftir samkomulagi við prest. Ath! Miðað er við að ein fermingarathöfn sé í boði í hverri af öðrum kirkjum prestakallsins.

Skráning fer fram í gegnum Kirkjuappið. Leiðbeiningar: 1. Hlaða Kirkjuappinu niður (t.d. í Play Store). 2. Finna Egilsstaðakirkju undir „Kirkjur sem ég fylgist með“ (í Menu). 3. Fara í „Skráningar“ á forsíðu, fylla inn allar upplýsingar, velja dag og hóp. Þau sem vilja fermast í öðrum kirkjum en Egilsstaðakirkju velja „Önnur dagsetning í samráði við prest.

Fermingarfræðslugjald: 26.188 kr.

Kostnaður við fermingarbúðir á Eiðum: Nánar auglýst síðar.

Allar nánari upplýsingar hjá prestunum.

Kærleikskveðjur,

Jarþrúður Árnadóttir, s. 823 4630 (jarthrudur@kirkjan.is)

Sigríður Rún Tryggvadóttir, s. 698 4958 (sigridur.run.tryggvadottir@kirkjan.is)

Þorgeir Arason s. 847 9289 (thorgeir.arason@kirkjan.is)

Nánari upplýsingar:

„Vertu trú(r) allt til dauða, og ég mun gefa þér kórónu lífsins.“ Opb. 2.10c.

Ferming þýðir staðfesting. Í fermingunni staðfestir barnið skuldbindingu foreldra og guðfeðgina í skírnarathöfninni. fer með trúarjátninguna, vinnur fermingarheit og þiggur fyrirbæn og blessun. Fermt er við messu. Til þess að öðlast rétt til að mega fermast tekur fermingarbarnið þátt í fermingarundirbúningi hjá presti sínum eða fermingarfræðara, og kynnist þannig kristnum fræðum betur.

Við gleðjumst yfir að þú hafir áhuga á að taka þátt í fermingarundirbúningi Þjóðkirkjunnar og hlökkum til að kynnast þér betur.

Í fermingarfræðslunni tölum við um trúna og tilveruna, sorg og gleði, fyrirgefningu, vináttu og gildin í lífinu, boðskap Jesú og hvernig hann tengist nútímanum. Við kynnumst og ræktum trúna á Guð sem styrkjandi afl á lífsgöngunni.