Minningastund með hugvekju og tónlist í Egilsstaðakirkju kl. 20 laugardaginn 10. september

10. september ár hvert er helgaður sjálfsvígsforvörnum og þann dag eru einnig kyrrðarstundir víða um land til að heiðra minningu þeirra sem fallið hafa fyrir eigin hendi.

Tónlist, hugvekja og kveikt á kertum í minningu látinna ástvina. Einnig verður umfjöllun um forvarnir og stuðning við ástvini. Kaffisopi og spjall í lokin.

Allir velkomnir.

Sunnudagurinn 4. september:

Guðsþjónusta í Egilsstaðakirkju kl. 11.

Væntanleg fermingarbörn vorsins 2017 í Egilsstaðaprestakalli eru boðin sérstaklega velkomin til kirkju ásamt forráðamönnum og kynningar- og skráningarfundur vegna fermingarstarfanna verður að athöfn lokinni.

Sr. Sigríður Rún Tryggvadóttir predikar, sr. Ólöf Margrét Snorradóttir og sr. Þorgeir Arason þjóna fyrir altari, organisti er Torvald Gjerde. Félagar úr Kór Egilsstaðakirkju leiða sönginn. Meðhjálpari Ásta Sigfúsdóttir. Allir velkomnir.

Guðsþjónusta í Kirkjubæjarkirkju kl. 14.

Prestur er Þorgeir Arason, organisti Jón Ólafur Sigurðsson og Kór Kirkjubæjar- og Sleðbrjótssókna syngur. Meðhjálpari er Gunnar Guttormsson og kirkjuvörður Svandís Skúladóttir.

Kaffisala Kvenfélags Hróarstungu verður í Tungubúð að athöfn lokinni.

Allir velkomnir!

Seyðisfjörður. Ljsm. Ómar Bogason.

Sunnudaginn 4. september kl 20 er kvöldguðsþjónusta í Seyðisfjarðarkirkju. Kór Seyðisfjarðarkirkju leiðir almennan safnaðarsöng. Organisti og kórstjóri er Tryggvi Hermannsson. Prestur er sr. Sigríður Rún Tryggvadóttir og meðhjálpari Jóhann Grétar Einarsson.

Verið velkomin.

Kyrrðardagur í Egilsstaðakirkju laugardaginn 3. september kl. 10-15. Kynnt verður íhugunaraðferðin „Kyrrðarbæn“ (Centering Prayer). Sjá nánar: kristinihugun.is

Leiðbeinandi er sr. Guðrún Eggertsdóttir, sjúkrahúsprestur á Akureyri sem hefur langa reynslu af iðkun og kennslu Kyrrðarbænarinnar.

Verð kr. 1500 á mann og er léttur hádegisverður innifalinn í verðinu.

Nauðsynlegt er að skrá þátttöku hjá sóknarpresti fyrir 1. sept. í síma 847-9289 / netfang: thorgeir.arason@kirkjan.is

Möguleiki er á að hópur iðkenda starfi í kirkjunni í vetur í framhaldi af kyrrðardeginum.

Allir velkomnir!

Sunnudaginn 28. ágúst verður 130 ára afmæli Eiðakirkju haldið hátíðlegt. Jafnframt er fagnað endurbótum á kirkjunni og umhverfi hennar og nýtt orgel blessað.

Hátíðarmessa hefst í kirkjunni kl. 14:00 þar sem biskup Íslands, frú Agnes M. Sigurðardóttir, predikar. Prófastur Austurlandsprófastsdæmis, sr. Davíð Baldursson þjónar ásamt sr. Jóhönnu I. Sigmarsdóttur, fv. sóknarpresti, sr. Þorgeiri Arasyni og sr. Sigríði Rún Tryggvadóttur.

Kór Eiðakirkju syngur og organisti er Jón Ólafur Sigurðsson.

Að messu lokinni er boðið í hátíðarkaffi í Barnaskólanum á Eiðum í umsjón Kvenfélags Eiðaþinghár. Þar munu sr. Jóhanna I. Sigmarsdóttir fv. sóknarprestur og Þórhallur Pálsson formaður sóknarnefndar rekja sögu kirkju og staðar.

Allir velkomnir!

Sóknarnefnd Eiðasóknar

Vígsluafmæli og orgelblessun
21. ágúst kl. 14

Þann 3. júlí síðastliðinn voru liðin fimmtíu ár frá vígslu Valþjófsstaðarkirkju. Af því tilefni verður hátíðarmessa í kirkjunni sunnudaginn 21. ágúst kl. 14.
Þá verður einnig nýtt orgel kirkjunnar tekið í notkun en það var keypt frá Johannus orgelverksmiðjunni í Hollandi nú í sumar með veglegum styrk frá Fljótsdalshreppi.

Sóknarprestur Egilsstaðaprestakalls, sr. Þorgeir Arason, prédikar. Prófastur Austurlandsprófastsdæmis, sr. Davíð Baldursson, þjónar fyrir altari ásamt sr. Láru G. Oddsdóttur, fyrrverandi sóknarpresti Valþjófsstaðarprestakalls og sr. Ólöfu Margrét Snorradóttur, presti í Egilsstaðaprestakalli. Leikmenn úr röðum sóknarbarna annast ritningarlestur. Organisti er Jón Ólafur Sigurðsson, kór Valþjófsstaðarkirkju syngur ásamt gestum. Margrét Lára Þórarinsdóttir syngur einsöng. Meðhjálpari Anna Bryndís Tryggvadóttir.

Boðið er til kaffisamsætis að messu lokinni í Végarði.
Allir velkomnir.

Laugardaginn 20. ágúst er Möðrudalsgleðin og þá verður að vanda guðsþjónusta í Möðrudalskirkju kl. 14.

Prestur Ólöf Margrét Snorradóttir. Organisti Jón Ólafur Sigurðsson og meðhjálpari Vernharður Vilhjálmsson.

Verið velkomin!

Messa í Egilsstaðakirkju kl. 11:00

Þingmúlakirkja

Prestur er Þorgeir Arason, organisti Torvald Gjerde. Almennur söngur. Meðhjálpari Ásta Sigfúsdóttir.

Molasopi eftir messu.

Guðsþjónusta á Skriðuklaustri kl. 11:00

Að vanda verður messað á Fljótsdalsdegi Ormsteitis við klausturrústirnar á Skriðu, sjá hér.

Prestur er Ólöf Margrét Snorradóttir. Jón Ólafur Sigurðsson leiðir tónlistina.

Kvöldmessa í Þingmúlakirkju, Skriðdal, kl. 20:00

Prestur er Þorgeir Arason, organisti Torvald Gjerde. Meðhjálpari Ásta Sigurðardóttir.

Eftir messu verður myndarlegt kirkjukaffi í boði sóknarinnar í félagsheimilinu á Arnhólsstöðum.

Verum velkomin til þátttöku í helgihaldinu!

Kvöldmessa verður í Bakkagerðiskirkju miðvikudaginn 10. ágúst kl. 20:00 (ath. daginn)

Prestur er Þorgeir Arason, organisti Jón Ólafur Sigurðsson og meðhjálpari Kristjana Björnsdóttir. Félagar úr kór kirkjunnar (Bakkasystrum) leiða sönginn. Altarisganga.

Kaffisopi í Heiðargerði eftir messu.

Verum velkomin til að eiga ljúfa stund í kirkjunni á sumarkvöldi!

Jesús segir: hver sem upp hefur sjálfan sig mun auðmýktur verða en sá sem lítillækkar sjálfan sig mun upp hafinn verða (Lúk 18.14).

Sunnudaginn 7. ágúst kl. 14 verður útiguðsþjónusta við fossinn Rjúkanda á Jökuldal. Stutt er að ganga upp að fossinum frá bílastæðinu, fallegur hvammur er neðan við fossinn og þar ætlum við að vera. Munið hlýju fötin og jafnvel teppi að sitja á. Ekki sakar að hafa með heitt kakó eða kaffi og hver veit nema eitthvað verði í boði með kaffinu. Ef illa viðrar færum við okkur í Hofteigskirkju en til þess ætti ekki að koma því allt útlit er fyrir að það verði þurrt, en gæti orðið svalt, komið því vel klædd.

Ólöf Margrét Snorradóttir þjónar en Torfastaðasystkinin leiða sönginn.

Allir velkomnir.