Egilsstaðaprestakall

Messa í Egilsstaðakirkju sunnudaginn 13. september kl. 18:00. Haustsúpa í safnaðarheimilinu eftir stundina. Sr. Þorgeir Arason þjónar, Kór Egilsstaðakirkju leiðir sönginn og organisti er Torvald Gjerde.

Frjáls framlög til hjálparstarfs á Sýrlandi og Jórdaníu, en biskup Íslands hefur hvatt söfnuði Þjóðkirkjunnar til að efna til samskota í kirkjum landsins sunnudagana 13. september og 20. september nk. til stuðnings Hjálparstarfi kirkjunnar í starfsemi sinni innan ACT – Alliance í þessum löndum.

Guðsþjónusta á hjúkrunarheimilinu Dyngju sama dag kl. 17:00.

Allir velkomnir!

Kirkjumiðstöð Austurlands auglýsir eftir starfkrafti til að sjá um eldhús, matseld og létt þrif.

Þyrfti að geta hafið störf sem fyrst.

Óreglulegur vinnutími.

Jákvætt hugarfar og þægilegt viðmót skilyrði. Verður að geta starfað sjálfstætt.

Skemmtilegur vinnustaður og got samstarfsfólk.

Frekari upplýsingar veitir Davíð Þór Jónsson, héraðsprestur, í netfanginu david.thor.jonsson@kirkjan.is

Sunnudagaskólinn í Egilsstaðakirkju byrjar aftur 13. september

og verður alla sunnudaga í vetur í kirkjunni kl. 10:30 (ATH! Breyttur tími)

Smellið hér til að sjá glænýtt og fjörugt kynningarmyndband sunnudagaskólans!

Saga, hreyfisöngvar, brúður, bænir og kirkjuleikfimi!

Djús, ávextir og litastund í lok hverrar samveru, sem er um klukkustund að öllu meðtöldu.

Sunnudagaskólinn er sérstaklega sniðinn að þörfum yngstu barnanna (leikskóla og yngstu grunnskólabarna) en allir eru alltaf velkomnir, stórir og smáir. Að sjálfsögðu fylgir enginn kostnaður þátttöku.

Í upphafi vetrar fá börnin hæðarmæli (plakat) sem hægt er að hengja upp heima og safna svo nýjum límmiða á plakatið á hverjum sunnudegi vetrarins.

Leiðtogar í vetur verða Dagmar Ósk Atladóttir, Guðný Jónsdóttir, Torvald Gjerde við píanóið, sr. Þorgeir, Aðalheiður Ósk og Elísa Petra auk þess sem fermingarbörnin eru til aðstoðar.

10. september – minningardagur vegna sjálfsvíga

10. september er tileinkaður forvörnum vegna sjálfsvíga víða um heim. Hér á landi er dagurinn einnig helgaður minningu þeirra sem fallið hafa fyrir eigin hendi.

Minningarstund verður í Egilsstaðakirkju fimmtudagskvöldið 10. september kl. 20.
Sr. Sigríður Rún Tryggvadóttir leiðir stundina og flytur hugvekju.
Sigrún Þórarinsdóttir, félagsmálastjóri Fjarðabyggðar, segir frá eigin reynslu af ástvinamissi.
Kveikt á kertum til minningar um þau sem fallið hafa fyrir eigin hendi.
Tónlistarflutningur.

Kaffisopi á eftir.

Jibbíjei! Þá hefst Stjörnustund að nýju.

Stjörnustund er kristið frístundastarf fyrir börn í 1.-4. bekk og verður alla mánudaga (sept.-nóv) kl. 17-18.30.

Í hverri viku bröllum við eitthvað skemmtilegt eins og sjá má á dagskránni að neðan og helgistund með söng og biblíusögu er fastur liður. Starfið er þátttakendum að kostnaðarlausu, nema annað sé auglýst sérstaklega. Hressing í upphafi hvers fundar.

Umsjón hafa Snjólaug og Dagbjört ásamt frábærum aðstoðarleiðtogum.

Upplýsingar og skráning hjá sóknarpresti í síma 847-9289 eða með tölvupósti: thorgeir.arason@kirkjan.is. Það er þó ekki þörf á að skrá sig fyrir fyrsta fundinn, nóg að mæta og prófa 🙂

Dagskrá haustönn 2015:

7. september – Kynning og Leikir

14. september – Blöðrubrjálæði

21. september – Spilafundur, koma með spil að heiman

28. september – útifundur, fótbolti og leikir

5. október – Æfing fyrir hæfileikasýningu

12. október – HÆFILEIKASÝNING til styrktar fósturbarni kirkjunnar á Indlandi (500 kr. aðgangseyrir)

19. október – VETRARFRÍ

26. október – Föndurstund

2. nóvember – Jól í skókassa

9. nóvember – Nammispurningakeppni

16. nóvember – Ratleikur

23. nóvember – Fáránleikar

30. nóvember – Jólafundur

„Lofa þú Drottin, sála mín, og gleym eigi neinum velgjörðum hans.“ (Slm 103.2b)

Kvöldguðsþjónusta verður í Kirkjuselinu Fellabæ, sunnudagskvöldið 6. september kl. 20. Prestur Ólöf Margrét Snorradóttir. Organisti Drífa Sigurðardóttir, félagar úr kór Áskirkju leiða almennan safnaðarsöng.

Allir velkomnir.

Kirkjubæjarkirkja, elsta kirkjan á Héraði

Í tilefni þess að út eru komin tvö ný bindi – hið tuttugasta og fjórða og fimmta – í ritröðinni Kirkjur Íslands býður Minjastofnun Íslands, Þjóðminjasafn Íslands, Biskupsstofa og Hið íslenska bókmenntafélag til málstofu og opnunar sýningar á Egilsstöðum laugardaginn 5. september kl. 15:00. Málstofan fer fram í húsnæði Austurbrúar við Tjarnargötu 39 en sýningin er sett upp í safnaðarheimili Egilsstaðakirkju.

Friðaðar kirkjur í Múlaprófastsdæmi.

Dagskrá:

1. Þorsteinn Gunnarsson arkitekt og ritstjóri:

Kirkjur Íslands.

2. Hjörleifur Guttormsson náttúrufræðingur og fyrrverandi alþingismaður og ráðherra:

Kirkjustaðir í Múlaprófastsdæmi.

3. Pétur H. Ármannsson arkitekt hjá Minjastofnun Íslands:

Friðaðar kirkjur í Múlaprófastsdæmi.

4. Lilja Árnadóttir safnvörður munasafns Þjóðminjasafns Íslands:

Nokkrir gripir, fornir og nýir, í kirkjum í Múlaprófastsdæmi.

5. Guðlaug Vilbogadóttir sérfræðingur hjá Minjastofnun Íslands:

Minningarmörk í Múlaprófastsdæmi.

Að málstofunni lokinni mun séra Davíð Baldursson prófastur opna sýningu um kirkjur, gripi og minningarmörk ,sem byggir á ritverkinu, í safnaðarheimili Egilsstaðakirkju.

Fundarstjóri er Rúnar Leifsson minjavörður Austurlands.

Kirkjur Íslands er grundvallarrit um friðaðar kirkjur á Íslandi þar sem horft er á þær frá sjónarhóli byggingarlistar, stílfræði og þjóðminjavörslu. Í máli og myndum er fjallað um kirkjurnar sjálfar ásamt kirkjugripum og minningarmörkum. Kirkjur Íslands eru vandaðar og glæsilegar bækur sem opna sýn inn í mikilvægan þátt í íslenskri menningarsögu. Til útgáfunnar var stofnað í tilefni af 1000 ára afmæli kristnitöku á Íslandi. Áætlað er að bókaflokkurinn verði 28 bindi og útgáfunni ljúki 2016.

Að útgáfunni standa Minjastofnun Íslands, Þjóðminjasafn Íslands og Biskupsstofa. Meðútgefandi og dreifingaraðili er Hið íslenska bókmenntafélag.

Verið velkomin til málstofu og opnunar sýningar laugardaginn 5. september klukkan 15:00 að Austurbrú, Tjarnarbraut 39, Egilsstöðum, og síðar í safnaðarheimili Egilsstaðakirkju.

Mánudaginn 1. september hefst Stjörnustund aftur í Egilsstaðakirkju og verða samverur alla mánudaga kl. 17:00-18:30.

Stjörnustund er kristið frístundastarf fyrir börn í 1.-4. bekk. Í hverri viku bröllum við eitthvað skemmtilegt eins og sjá má á dagskránni að neðan og helgistund með söng og biblíusögu er fastur liður. Starfið er þátttakendum að kostnaðarlausu, nema annað sé auglýst sérstaklega. Hressing í upphafi hvers fundar.

Umsjón hafa Snjólaug og Dagbjört ásamt frábærum aðstoðarleiðtogum.

Upplýsingar og skráning hjá sóknarpresti í síma 847-9289 eða með tölvupósti: thorgeir.arason@kirkjan.is. Það er þó ekki þörf á að skrá sig fyrir fyrsta fundinn, nóg að mæta og prófa 🙂

Dagskrá haustönn 2015:

7. september – Kynning og Leikir

14. september – Blöðrubrjálæði

21. september – Spilafundur, koma með spil að heiman

28. september – útifundur, fótbolti og leikir

5. október – Æfing fyrir hæfileikasýningu

12. október – HÆFILEIKASÝNING til styrktar fósturbarni kirkjunnar á Indlandi (500 kr. aðgangseyrir)

19. október – VETRARFRÍ

26. október – Föndurstund

2. nóvember – Jól í skókassa

9. nóvember – Nammispurningakeppni

16. nóvember – Ratleikur

23. nóvember – Fáránleikar

30. nóvember – Jólafundur

Kirkjuskólinn á Borgarfirði byrjar aftur mánudaginn 31. ágúst kl. 13:30-14:30

Saga og söngvar, bænir og brúður í Bakkagerðiskirkju.

Svo eru það leikir og hressing í Heiðargerði.

Leikskólabörnin geta gengið til kirkju með presti kl. 13:00.

Svo hittumst við annan hvorn mánudag í vetur.

Allir velkomnir!

Þorgeir Arason, sóknarprestur

Guðsþjónusta í Egilsstaðakirkju sunnudaginn 30. ágúst kl. 11:00.

Félagar úr kirkjukórnum leiða létta sálma við undirleik Torvalds Gjerde

Sr. Ólöf Margrét Snorradóttir og sr. Þorgeir Arason þjóna.

Allir velkomnir!

Guðsþjónustan markar upphaf fermingarstarfa vetrarins á Héraði og hefur öllum unglingum á svæðinu, sem fæddir eru árið 2002, og forráðamönnum þeirra, verið sent bréf þar sem þau eru boðin sérstaklega velkomin til kirkju þennan dag.

Að lokinni guðsþjónustu fer fram skráning fermingarbarnanna og tilhögun starfsins í vetur kynnt stuttlega fyrir væntanlegum fermingarbörnum og foreldrum/forráðamönnum. Dagskrá lokið ekki seinna en kl. 12:30.

Þau sem ekki geta mætt í Egilsstaðakirkju á sunnudaginn en vilja skrá sig í fermingarundirbúning eru vinsamlegast beðin að hafa samband við sóknarprest Egilsstaðaprestakalls (netfang: thorgeir.arason@kirkjan.is, sími: 471-2724 / 847-9289) og láta vita af forföllum.