Egilsstaðaprestakall

Kirkjuselið Fellabæ

Sameiginlegt aðventukvöld Ássóknar í Fellum og Hofteigssóknar verður fimmtudagskvöldið 10. desember kl. 20.

Barnakór Fellaskóla syngur jólalög

Ræðumaður kvöldsins er Sólrún Hauksdóttir í Merki

Kór Áskirkju syngur við undirleik Drífu Sigurðardóttur

Ólöf Margrét Snorradóttir leiðir stundina

Fermingarbörn aðstoða

Kaffi og smákökur

Allir velkomnir

Aðventustundinni, sem vera átti í Kirkjubæjarkirkju í dag, sunnudaginn 6. desember kl. 15:00, hefur verið frestað um óákveðinn tíma vegna ófærðar.

Vegna ótryggrar veðurspár er aðventuhátíð, sem vera átti í Vallaneskirkju kl. 15 í dag (laugardag), frestað til miðvikudagsins 9. desember kl. 20:30.

Laugardagurinn 5. desember

Vallaneskirkja:

Aðventuhátíð Vallanes- og Þingmúlasókna laugardaginn 5. desember kl. 15:00 í Vallanesi. Jólasaga, hugleiðing, Kór Vallanes- og Þingmúlasókna syngur, stjórnandi og organisti Torvald Gjerde. Prestur er Þorgeir Arason. Kaffi í kirkjunni eftir stundina.

Sunnudagurinn 6. desember, annar sunnud. í aðventu

Egilsstaðakirkja:

Sunnudagaskóli í Egilsstaðakirkju 6. des. kl. 10:30, annan sunnudag í aðventu. Síðasta samvera fyrir jól. Saga, jólasöngvar, brúðurnar og límmiðinn á sínum stað. Heitt súkkulaði og piparkökur eftir stundina.

Aðventuhátíð Egilsstaðakirkju sama dag kl. 18:00. Stundin hefst á að tendrað verður á ljósum jólatrésins fyrir utan kirkjuna. Barnakór og Kór Egilsstaðakirkju og Stúlknakórinn Liljurnar, ræðumaður Sigríður Herdís Pálsdóttir leikskólastjóri, Árni Friðriksson flytur jólaljóð, ljósaþáttur fermingarbarna. Organisti Torvald Gjerde, barnakórstjóri Øystein Magnús Gjerde, kórstjóri Liljanna Margrét Lára Þórarinsdóttir, undirleikari Tryggvi Hermannsson. Sr. Þorgeir Arason leiðir stundina.

Hjaltastaðarkirkja:

Aðventuhátíð Eiða- og Hjaltastaðarsókna kl. 14:00. Hátíðleg stund fyrir alla fjölskylduna. Sr. Sigríður Rún Tryggvadóttir, söngfólk kirknanna syngur, Suncana Slamning organisti, Charles Ross fiðla, Áslaug Sigurgestsdóttir flauta. Meðhjálpari er Hildigunnur Sigþórsdóttir. Kaffiveitingar í Hjaltalundi eftir stundina í boði Kvenfélagsins Bjarkar í tilefni af útgáfu bókar um sögu félagsins.

Kirkjubæjarkirkja:

Aðventustund Kirkjubæjar- og Sleðbrjótssókna að Kirkjubæ kl. 15:00, annan sunnudag í aðventu. Kór Kirkjubæjar- og Sleðbrjótssókna syngur, kórstjóri og organisti er Jón Ólafur Sigurðsson. Prestur er Þorgeir Arason. Minnt er á jólasamveru Kvenfélags Hróarstungu í Tungubúð eftir stundina í kirkjunni.

Seyðisfjarðarkirkja:

Sunnudagaskóli í Seyðisfjarðarkirkju 6. desember kl. 11. Umsjón hafa Arna, Sigríður og góðir leiðtogar. Saga jólanna, mikill söngur og kirkjubrúðurnar. Eftir stundina málum við piparkökur í safnaðarheimilinu. Verið velkomin.

Valþjófsstaðarkirkja:

Aðventukvöld kl. 20:00. Sr. Ólöf Margrét Snorradóttir leiðir stundina, Kór Valþjófsstaðarkirkju syngur, stjórnandi og organisti er Jón Ólafur Sigurðsson.

Verið velkomin til kirkju!

Valþjófsstaðarkirkja desember 2015. Mynd: Anna Kristín

Aðventukvöld í tali og tónum.

Ólöf Margrét Snorradóttir leiðir stundina. Kór kirkjunnar syngur jólalög undir stjórn Jóns Ólafs Sigurðssonar organista. Jólasaga, hugleiðing og almennur safnaðarsöngur.

Verið velkomin!

Aðventa
Brátt nálgast sú helgasta hátíð í bæ
með heilögu ljósunum björtum
andi guðs leggst yfir lönd, yfir sæ
og leitar að friði í hjörtum.

En nú virðist fegurðin flúin á braut
friðurinn spennu er hlaðinn,
lífsgæðakapphlaup og kauphallarskraut
er komið til okkar í staðinn.

Þá vill hann oft gleymast sem farveg oss fann
fæddur á jötunnar beði,
við týnum úr hjartanu trúnni á hann
og tilefni jólanna gleði.

Vökvaðu kærleikans viðkvæmu rós
þá veitist þér andlegur styrkur,
kveiktu svo örlítið aðventuljós
þá eyðist þitt skammdegismyrkur.

það ljós hefur tindrað aldir og ár
yljað um dali og voga,
þó kertið sé lítið og kveikurinn smár
mun kærleikur fylgja þeim loga.

Láttu svo kertið þitt lýsa um geim
loga í sérhverjum glugga´
þá getur þú búið til bjartari heim
og bægt frá þér vonleysisskugga.
(Hákon Aðalsteinsson)

Vegna veðurs er fyrirhuguðu aðventukvöldi í Kirkjuselinu frestað. Nánar auglýst síðar.

Kirkjuselið Fellabæ

Sameiginlegt aðventukvöld Ássóknar í Fellum og Hofteigssóknar verður miðvikudagskvöldið 2. desember kl. 20.

Barnakór Fellaskóla syngur jólalög

Ræðumaður kvöldsins er Sólrún Hauksdóttir í Merki

Kór Áskirkju syngur við undirleik Drífu Sigurðardóttur

Ólöf Margrét Snorradóttir leiðir stundina

Fermingarbörn aðstoða

Kaffi og smákökur

Allir velkomnir

Egilsstaðakirkja:

Fjölskyldumessa kl. 10:30. Barnakór kirkjunnar syngur og við kveikjum á fyrsta aðventukertinu.

Nýr límmiði fyrir börnin og Mýsla og Rebbi á sínum stað.

Sr. Þorgeir og leiðtogar sunnudagaskólans leiða stundina.

Organisti er Torvald Gjerde og kórstjóri er Oystein Magnús Gjerde.

„Friður ríkir, fellur jólasnjór“ – Aðventutónleikar Kammerkórs Egilsstaðakirkju kl. 17:00.

Stjórnandi Torvald Gjerde. Kórinn flytur ásamt kammersveit Laudate dominum og Missa brevis í B-dúr eftir Mozart ásamt kammersveit auk íslenskra og erlendra jólaperla. Hefjum aðventuna á ljúfum nótum. Miðaverð: 2.000 kr., 1.500 kr. fyrir stúdenta og eldri borgara, ókeypis fyrir börn og unglinga. Enginn posi.

Seyðisfjarðarkirkja:

Messa og sunnudagaskóli kl. 11:00.

Sr. Sigríður Rún Tryggvadóttir, Sigurbjörg Kristínardóttir organisti og Kór Seyðisfjarðarkirkju þjóna við messuna.

Leiðtogar sunnudagaskólans leiða stundina með börnunum.

Verið velkomin til kirkju á fyrsta sunnudegi í aðventu!

Sr. Jóna Kristín Þorvaldsdóttir

Samvera tileinkuð jólahaldi í skugga missis og sorgar verður fimmtudaginn 26. nóvember nk. kl. 20:00 í Kirkjuselinu í Fellabæ.

Sr. Jóna Kristín Þorvaldsdóttir, sóknarprestur á Fáskrúðsfirði, talar til okkar um efnið „Sorgin og jólin“ og er boðið upp á umræður um efnið í framhaldinu.

Drífa Sigurðardóttir og félagar úr Kór Ássóknar flytja tónlistaratriði, boðið verður upp á kaffi og dagskránni lýkur með stuttri bænastund þar sem hægt verður að tendra ljós í minningu ástvina.

Allir velkomnir.

Sunnudagaskóli að venju kl. 10.30 í Egilsstaðakirkju. Söngur, sögur og brúðuleikrit.

Kaffi, djús og ávextir eftir stundina.

Allir velkomnir.