Egilsstaðaprestakall

Þessi helgistund var tekin upp í Eiðakirkju en þar er hljómuburður afar góður Leikur tónlistin lykilhlutverk enda sérstaklega fallegir sálmar sem tilheyra deginum. Jón Ólafur Sigurðsson er organisti og Kórakórinn syngur, það eru Margrét Dögg Guðgeirsdóttir Hjarðar, Hermann Eiríksson, Heiður Ósk Helgadóttir og Kristján Ketill Stefánsson.

Allra heilagra messa á sér fornar rætur og ber upp á 1. nóvember ár hvert. Þá minnumst við þeirra sem á undan okkur eru gengin og tendrum ljós í minningu þeirra.

Á allra heilagra messu,
sunnudaginn 1. nóvember,
verður Egilsstaðakirkja opin
milli 20 og 21
fyrir þau sem vilja líta við og eiga hljóða stund við kertaljós og undirleik.

Stundin er tileinkuð þeim sem hafa verið ljós í lífi okkar og við viljum minnast og þakka fyrir.

Kveikt á kertum í minningu látinna. 

Við virðum sóttvarnartilmæli og fjöldatakmarkanir þannig að fólk má koma og fara innan tímans. Í stundinni verður leikið á orgel, ritningarlestrar fluttir og sálmar sungnir.

Móttaka fyrir Jól í skókassa verður í Safnaðarheimili Egilsstaðakirkju, Hörgsási 4,
laugardaginn 31. október kl. 13-15.

Hér má nálgast upplýsingar um hvað þarf að vera í skókassanum.

Hvað er „Jól í skókassa“?

„Jól í skókassa“ er alþjóðlegt verkefni sem felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Með slíkum gjöfum er þeim sýndur kærleikur Guðs í verki. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.
Fyrir jólin 2004 ákvað hópur ungs fólks innan KFUM & KFUK að láta reyna á verkefnið hér á landi. Undirtektirnar voru frábærar og söfnuðust rúmlega 500 kassar það árið. Verkefnið hélt svo áfram að spyrjast út og árið 2005 urðu skókassarnir 2600. Sú tala hefur síðan tvöfaldast því undanfarin ár hafa borist í kringum 5000 gjafir.

Hvert fara skókassarnir?

Skókassarnir verða sendir til Úkraínu. Í Úkraínu búa um 46 milljónir manna. Atvinnuleysi er þar mikið og ástandið víða bágborið. Á því svæði þar sem jólagjöfunum verður dreift ríkir mikil örbirgð. Íslensku skókössunum verður meðal annars dreift á munaðarleysingjaheimili, barnaspítala og til barna einstæðra mæðra sem búa við sára fátækt. Kirkjan í Úkraínu er rússnesk rétttrúnaðarkirkja, en KFUM í Úkraínu starfar innan þeirrar kirkjudeildar. Aðalskipuleggjandi dreifingarinnar í Úkraínu er faðir Evheniy Zhabkovskiy sem komið hefur hingað til lands í heimsókn og m.a. kynnt sér starf KFUM og KFUK hér á landi. (Af heimasíðu KFUM).

Kæru vinir! Við tókum upp helgistund í Egilsstaðakirkju á degi heilbriðisþjónustunnar. Félagar úr kór Egilsstaðakirkju leiða söng, organisti er Torvald Gjerde. Ástríður Kristinsdóttir, hjúkrunarfræðinur les ritningartexta. Prestar eru sr. Kristín Þórunn Tómasdóttir sem prédikar, og sr. Ólöf Margrét Snorradóttir.

Helgistund í Egilsstaðakirkju 18. október 2020

Samkvæmt fyrirmælum frá biskupi Íslands og almannavörnum hefur allt opið helgihald í október verið fellt niður. Engar messur eða sunnudagaskóli verða út október en fermingarundirbúningur og barna- og æskulýðsstarf heldur áfram.

Á tímum sem þessum er ekki óeðlilegt að kvíði eða depurð sæki að og við þurfum að hlúa að þeim sem í kringum okkur eru, og okkur sjálfum. Sem fyrr veita prestarnir viðtal, símleiðis eða í safnaðarheimili og Kirkjuseli. Hafa má samband í síma eða með tölvupósti og bóka viðtal.

Netföng og símanúmer presta
Ólöf Margrét, sími 662 3198, netfang olof.snorradottir[hjá]kirkjan.is
Kristín Þórunn, sími 862 4164, netfang kristin[hjá]p2.is
Sigríður Rún, sími 698 4958, netfang sigridur.run.tryggvadottir[hjá]kirkjan.is

Barna- og æskulýðsstarf:

Stjörnustund, kristið frístundastarf fyrir 1.-4. bekk:
Safnaðarheimili Egilsstaðakirkju: mánudaga kl. 16-17.
Kirkjusel Fellabæ: þriðjudaga kl. 15-16.

Bíbí æskulýðsfélag
Safnaðarheimili Egilsstaðakirkju: þriðjudaga kl. 20-21:30.

Æskó æskulýðsfélag
Seyðisfjarðarkirkja: miðvikudaga kl. 20

TTT Seyðisfirði
Seyðisfjarðarkirkja: miðvikudaga kl. 15:30-16:30

Egilsstaðakirkja
Fjölskylduguðsþjónusta kl. 10.30.
Sr. Kristín Þórunn leiðir stundina. Barnakórinn syngur, stjórnandi og organisti Torvald Gjerde.

Kaffi og samfélag á eftir!

Allir velkomnir.

Seyðisfjarðarkirkja
Fjölskylduguðsþjónusta kl. 11:00
Sr. Sigríður Rún leiðir stundina.

Verið velkomin!

Stjörnustund er kristið frístundastarf
fyrir börn í 1.-4. bekk.
Í hverri viku bröllum við eitthvað skemmtilegt eins og sjá má á dagskránni að neðan og helgistund með söng og biblíusögu er fastur liður. Starfið er þátttakendum að kostnaðarlausu, nema annað sé auglýst sérstaklega. Hressing í upphafi hvers fundar.

Stjörnustund í Safnaðarheimili Egilsstaðakirkju, Hörgsási 4

Mánudaga kl. 16:00-17:00
Leiðtogar: Marteinn Lundi Kjartansson, Hólmfríður Ósk Þórisdóttir, Magnhildur Marín Erlingsdóttir og Ólöf Margrét Snorradóttir.

Í fyrstu samveru er kynning og leikir, nánari dagskrá kemur síðar.

Stjörnustund í Kirkjuselinu Fellabæ

Þriðjudaga kl. 15:00-16:00
Umsjón Ólöf Margrét Snorradóttir

Í fyrstu samveru er kynning og leikir, nánari dagskrá kemur síðar.

Skráning hér.

Fermingarundirbúningurinn hefst að þessu sinni með sameiginlegri guðsþjónustu safnaðanna á Héraði í Egilsstaðakirkju sunnudagskvöldið 13. september kl. 20:00. Fermingarbörn næsta árs og foreldrar þeirra eru sérstaklega boðin velkomin.

Að lokinni guðsþjónustu fer fram kynningarfundur á fermingarundirbúningnum og tilhögun starfsins í vetur kynnt stuttlega fyrir væntanlegum fermingarbörnum og foreldrum/forráðamönnum. Dagskrá lokið ekki seinna en kl. 21:30.

Í fermingarundirbúningnum í kirkjunni tölum við um Guð, okkur sjálf og lífið. Við ætlum að kynnast ævi og starfi Jesú Krists og spá í hvernig það kemur okkur við. Við ætlum líka að fjalla um dauðann og sorgina, um fyrirgefningu og samskipti, um trú, bæn og efa, um illt og gott í heiminum – og margt, margt fleira.

Að venju verða fermingarbúðir á Eiðum á haustönn, dagana 4.-6. október.

Skráning í fermingarundirbúning er nú rafræn á heimasíðu prestakallsins: egilsstadaprestakall.is. Frekari upplýsingar um undirbúning og skráningu veita prestarnir.

Fermingarfræðslan verður sem hér segir:
Egilsstaðir – Safnaðarheimili Hörgsási 4:
þriðjudaga kl. 15:45-16:30 – hefst 15. september
miðvikudaga kl. 7:55-8:40 – hefst 16. september
Fellabær – Kirkjuselið: mánudaga kl. 14:15-15:00 – hefst 21. september

Við hlökkum til að sjá ykkur í Egilsstaðakirkju sunnudagskvöldið 13. september.

Með bestu kveðjum

Ólöf Margrét Snorradóttir, Sigríður Rún Tryggvadóttir og Kristín Þórunn Tómasdóttir

prestar Egilsstaðaprestakalls