Vertu hjá oss, Drottinn, því að kvölda tekur og degi hallar. Amen.

Sunnudagskvöldið 2. ágúst kl. 20 verður messa í Valþjófsstaðarkirkju í Fljótsdal. Séra Ólöf  Margrét Snorradóttir þjónar fyrir altari og organisti er Jón Ólafur Sigurðsson og leiðir hann jafnframt almennan safnaðarsöng. Eftirfarandi sálmar verða sungnir: 592 Nú hverfur sól í haf, 926 Á hverjum degi og 587 Vér lofum þig Kristur. Verið velkomin til messu.

Valþjófsstaðarkirkja undir Valþjófsstaðarfjalli.
Mynd Kirkjukort.net

Valþjófsstaðarkirkja var vígð 3. júlí 1966 en Valþjófsstaður hefur kirkjustaður frá tólftu öld. Lesa má nánar um Valþjófsstaðarkirkju hér.

Helgihald og safnaðarstarf í prestakallinu 27. júlí til 2. ágúst.

Mánudagur 27. júlí
Kyrrðarstund kl. 18 í safnaðarheimili Egilsstaðakirkju, Hörgsási 4.

Miðvikudagur 29. júlí
Opið hús í Kirkjuselinu Fellabæ kl. 13-16. Kaffi, lestur og spjall í góðum félagsskap.

Fimmtudagur 30. júlí
Opið hús fyrir syrgjendur kl. 20 í Kirkjuselinu Fellabæ.

Sunnudagur 2. ágúst
Kvöldmessa í Valþjófsstaðarkirkju kl. 20. Prestur sr. Ólöf Margrét Snorradóttir. Organisti Jón Ólafur Sigurðsson.

Sunnudaginn 26. júlí kl. 20:00, verður haldin ljóðamessa í Egilsstaðakirkju. Séra Davíð Þór Jónsson þjónar fyrir altari og prédikar.

Kór og organisti verða í hvíld, en í staðinn verður hið talaða orð, skáldskapurinn, í brennidepli. Messan verður með hefðbundnu sniði að því undanskildu að í stað sálmasöngs lesa austfirsk skáld frumsamin ljóð með andlegu og trúarlegu ívafi. Skáldin sem leggja hönd á plóg í ljóðamessunni eru Arnar Sigbjörnsson, Hulda Sigurdís Þráinsdóttir, Ingunn Snædal, Sigurður Ingólfsson og Stefán Bogi Sveinsson.

Að sjálfsögðu eru allir velkomnir og vonast aðstandendur til að sem flestir láti sjá sig.

Messað verður í Sleðbrjótskirkju í Jökulsárhlíð sunnudaginn 26. júlí kl. 14 (ath. breyttan messutíma).

Prestur sr. Davíð Þór Jónsson. Organisti Magnús Magnússon. Kór Kirkjubæjar- og Sleðbrjótskirkna leiðir söng. Meðhjálpari Margrét Dögg Guðgeirsdóttir Hjarðar.

Allir velkomnir.

Klyppstaðarkirkja (Mynd: Magnús R. Jónsson)

Árleg messa í Klyppsstaðarkirkju í Loðmundarfirði fer að þessu sinni fram sunnudaginn 19. júlí kl. 14:00. Þangað eru allir velkomnir.

Athugið að til kirkjunnar þarf að áætla um 1,5 klst. akstur frá Borgarfirði eystra. Vegurinn er aðeins fær fjórhjóladrifnum bílum.

Kirkjan á Klyppstað í Loðmundarfirði er látlaus og formfögur timburkirkja, reist árið 1895. Yfirsmiður var Jón Baldvin Jóhannesson, bóndi í Stakkahlíð.

Klyppstaður fór í eyði 1962 og önnur byggð í Loðmundarfirði lagðist af upp úr 1970. Kirkjan stendur enn og voru miklar endurbætur gerðar á henni á árunum 1976-1986 og árið 1990 var hún friðuð. Ferðafélag Fljótsdalshéraðs tók kirkjuna undir sinn verndarvæng árið 2010 og var hún máluð að utan það sumar.

Messað verður í Egilsstaðakirkju sunnudaginn 12. júlí kl. 11:00.

Þorgeir Arason sóknarprestur predikar og leiðir stundina. Organisti Torvald Gjerde. Meðhjálpari Þórdís Kristvinsdóttir.

Almennur safnaðarsöngur.

Kaffisopi eftir messu.

Allir velkomnir.

Vallaneskirkja

Nú eru tvær tónlistarstundir eftir þetta sumarið af hinni metnaðarfullu röð stuttra sumartónleika sem Torvald Gjerde stýrir í Egilsstaða- og Vallaneskirkjum:

2. júlí í Egilsstaðakirkju kl. 20.00
Björgvin gítarkvartett frá Noregi
Öystein Magnús Gjerde frá Fellabæ er einn þeirra

5. júlí í Vallaneskirkju kl. 20.00
Erla Dóra Vogler frá Egilsstöðum, mezzósópran
Torvald Gjerde, organisti, harmoníum/harmonikka

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum. 

Tónlistarstundirnar 2015 njóta stuðnings Uppbyggingarsjóðs Austurlands og viðkomandi kirkna.

Sunnudaginn 5. júlí verða tvær guðsþjónustur í Egilsstaðaprestakalli:

Frá Eiríksstaðakirkju

Sumarmessa í Eiríksstaðakirkju kl. 14.
Prestur sr. Þorgeir Arason. Organisti og söngstjóri Jón Ólafur Sigurðsson.
Allir velkomnir.

Eiríksstaðakirkja er lítil steinkirkja á Efra-Jökuldal, reist að mestu árið 1913 en vígð 21. júní 1914 af sr. Haraldi Þórarinssyni. Kirkjan er með elstu steinhúsum á Héraði og elsta steinsteypta kirkja prestakallsins.

Tónlistarstund í Egilsstaðakirkju kl. 20.
Fram koma hljóðfæranemar frá Egilsstöðum:
Sigurlaug Björnsdóttir, flauta
Ása Jónsdóttir, fiðla
Bríet Finnsdóttir, fiðla/lágfiðla
Suncana Slamnig kennari, píanó.

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum.

Tónlistarstundir verða í sumar líkt og undanfarin sumur í Egilsstaðakirkju og Vallaneskirkju.
Um er að ræða fjölbreytta dagskrá með ýmsum listamönnum af Héraði og lengra að. Allir velkomnir.

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum. 

18. júní í Egilsstaðakirkju kl. 20.00
Kór Egilsstaðakirkju
Torvald Gjerde, organisti kirkjunnar, stjórnandi