Egilsstaðakirkja:

Fjölskyldumessa kl. 10:30. Barnakór kirkjunnar syngur og við kveikjum á fyrsta aðventukertinu.

Nýr límmiði fyrir börnin og Mýsla og Rebbi á sínum stað.

Sr. Þorgeir og leiðtogar sunnudagaskólans leiða stundina.

Organisti er Torvald Gjerde og kórstjóri er Oystein Magnús Gjerde.

„Friður ríkir, fellur jólasnjór“ – Aðventutónleikar Kammerkórs Egilsstaðakirkju kl. 17:00.

Stjórnandi Torvald Gjerde. Kórinn flytur ásamt kammersveit Laudate dominum og Missa brevis í B-dúr eftir Mozart ásamt kammersveit auk íslenskra og erlendra jólaperla. Hefjum aðventuna á ljúfum nótum. Miðaverð: 2.000 kr., 1.500 kr. fyrir stúdenta og eldri borgara, ókeypis fyrir börn og unglinga. Enginn posi.

Seyðisfjarðarkirkja:

Messa og sunnudagaskóli kl. 11:00.

Sr. Sigríður Rún Tryggvadóttir, Sigurbjörg Kristínardóttir organisti og Kór Seyðisfjarðarkirkju þjóna við messuna.

Leiðtogar sunnudagaskólans leiða stundina með börnunum.

Verið velkomin til kirkju á fyrsta sunnudegi í aðventu!

Sr. Jóna Kristín Þorvaldsdóttir

Samvera tileinkuð jólahaldi í skugga missis og sorgar verður fimmtudaginn 26. nóvember nk. kl. 20:00 í Kirkjuselinu í Fellabæ.

Sr. Jóna Kristín Þorvaldsdóttir, sóknarprestur á Fáskrúðsfirði, talar til okkar um efnið „Sorgin og jólin“ og er boðið upp á umræður um efnið í framhaldinu.

Drífa Sigurðardóttir og félagar úr Kór Ássóknar flytja tónlistaratriði, boðið verður upp á kaffi og dagskránni lýkur með stuttri bænastund þar sem hægt verður að tendra ljós í minningu ástvina.

Allir velkomnir.

Sunnudagaskóli að venju kl. 10.30 í Egilsstaðakirkju. Söngur, sögur og brúðuleikrit.

Kaffi, djús og ávextir eftir stundina.

Allir velkomnir.

Verið velkomin til kirkju!

Rebbi og Mýsla eru vinsælir gestir í sunnudagaskólanum.

Sunnudagaskóli kl. 10.30 í umsjá sr. Þorgeirs og sunnudagaskólaleiðtoga.
Biblíusaga, söngur og mikil gleði að vanda. Rebbi og Mýsla koma í heimsókn. Allir fá límmiða á veggspjaldið sitt.
Djús og dund í lokin.

Komið til mín, öll þér sem erfiðið og þunga eruð hlaðin, og ég mun veita yður hvíld (Matt 11.28).

Messa kl. 18. Guðspjallstexti dagsins er úr Matteusarguðspjalli, 11.25-30.
Sr. Ólöf Margrét Snorradóttir prédikar og þjónar fyrir altari. Messuþjónar aðstoða. Kór Egilsstaðakirkju syngur og leiðir almennan safnaðarsöng undir styrkri stjórn Torvalds Gjerde organista. Meðhjálpari er Þórdís Kristvinsdóttir.

Guðsþjónusta á Hjúkrunarheimilinu Dyngju kl. 17.

Sunnudaginn 15. nóvember kl. 11 verður messa í Seyðisfjarðarkirkju. Kór kirkjunnar leiðir almennan safnaðarsöng. Kórstjóri og organisti er Sigurbjörg Kristínardóttir.
Prestur er sr. Sigríður Rún Tryggvadóttir og meðhjálpari Jóhann Grétar Einarsson.

Sunnudagaskóli í safnaðarheimili á sama tíma. Umsjón hefur Arna Magnúsdóttir ásamt góðum leiðtogum. Gæðastund fjölskyldunnar með Biblíusögu, kirkjubrúðum og miklum söng.

Kaffi í safnaðarheimili eftir stundina.

Jesús settist gegnt fjárhirslunni og horfði á fólkið leggja peninga í hana. Margir auðmenn lögðu þar mikið. Þá kom ekkja ein fátæk og lét þar tvo smápeninga, eins eyris virði. Og Jesús kallaði til sín lærisveina sína og sagði við þá: „Sannlega segi ég ykkur, þessi fátæka ekkja gaf meira en allir hinir er lögðu í fjárhirsluna. Allir gáfu þeir af allsnægtum sínum en hún gaf af skorti sínum allt sem hún átti, alla björg sína.“ (Mrk 12.41-44).

Guðsþjónusta í Áskirkju 8. nóvember kl. 14.
Sr. Ólöf Margrét Snorradóttir prédikar, kór Áskirkju syngur og leiðir almennan safnaðarsöng. Organisti Drífa Sigurðardóttir. Fermingarbörn aðstoða. Meðhjálpari Bergsteinn Brynjólfsson.

Verið velkomin í kirkjuna undir Ási.

Væntanleg fermingarbörn á Héraði og Seyðisfirði ganga í hús og safna fé til vatnsverkefna Hjálparstarfs kirkjunnar.

3. nóvember milli kl. 17 og 19 ganga börn í Fellabæ í hús.

4. nóvember milli kl. 18 og 20 ganga börn í hús á Egilsstöðum og Seyðisfirði.

Áður en börnin ganga í hús fá þau fræðslu um það hvernig vatnsþró, vatnstankur eða brunnur með hreinu vatni getur gjörbreytt lífi fólks til hins betra: Heilsufar batnar; stúlkur sem áður sóttu vatn um langan veg fá tíma til að sækja skóla; með áveitu verður til meiri og betra fæða og svo koll af kolli.

Með því að taka þátt í fjáröflunarverkefninu fá börnin innsýn í líf jafnaldra sinna í starfssvæðum Hjálparstarfs kirkjunnar í Afríku og kynnast erfiðleikum sem þau búa við. Fermingarbörnin fá líka tækifæri til að ræða um ábyrgð okkar allra á því allir jarðarbúar fái lifað mannsæmandi lífi.

Í nóvember 2014 söfnuðu fermingarbörn á landinu öllu 8.162.460 krónum til vatnsverkefna Hjálparstarfsins í Eþíópíu og Úganda. Söfnunin í ár er sú sautjánda í röðinni en framlag fermingarbarna og stuðningur þeirra er ómetanlegur og kann Hjálparstarfið þeim bestu þakkir fyrir!

Með von um að þú, lesandi góður, takir vel á móti fermingarbörnunum sem banka upp á hjá þér með söfnunarbauk Hjálparstarfs kirkjunnar í hönd. Ef þú ert ekki heima, skilja þau eftir miða með greiðsluupplýsingum um bankareikninn sem hægt er leggja inn á: 0334 – 26 – 56200, kt. 450670-0499. Bestu þakkir!

Happdrætti ÆSKA 2015

Æskulýðssamband kirkjunnar á Austurlandi (ÆSKA) stóð fyrir happdrætti til styrktar ferð unglinga af svæðinu á landsmót ÆSKÞ í Vestmannaeyjum í október sl. Að auki rann hluti af ágóðanum í geðverndarverkefni Hjálparstarfs kirkjunnar.

Á annað hundrað unglinga af Austurlandi tók þátt í landsmótinu, þar fór fram fræðsla og skemmtun til uppbyggingar æskunni. Fulltrúi sýslumannsins á Austurlandi dró í happdrættinu þann 2. nóvember, að viðstöddum votti og fulltrúa ÆSKA.

ÆSKA óskar vinningshöfum til hamingju og þakkar veittan stuðning. Enn fremur þakkar ÆSKA öllum sem gáfu vinninga eða studdu happdrættið á annan hátt kærlega fyrir stuðninginn.

Vinninga má vitja í safnaðarheimili Egilsstaðakirkju, Hörgsási 4. Allar frekari upplýsingar veitir Ólöf Margrét Snorradóttir, s. 662 3198. Vinsamlegast vitjið vinninga fyrir 10. janúar 2016.

Vinningsnúmer:

Sunnudagaskólinn á sínum stað 1. nóvember kl. 10:30 í Egilsstaðakirkju. Söngur, brúður, saga, litamynd og nýr límmiði.

Sunnudagskvöldið 1. nóvember kl. 20:00: Gospelmessa í Egilsstaðakirkju – Ljósamessa.

Í tilefni af Dögum myrkurs lýsum við kirkjuna upp með lifandi ljósum og íhugum „ljósið í myrkrinu.“

Liljurnar syngja og leiða sönginn, kórstjóri Margrét Lára Þórarinsdóttir og undirleikari Tryggvi Hermannsson.

Prestur er Þorgeir Arason.

Kaffisopi eftir messu. Allir velkomnir!