Egilsstaðaprestakall

Fræðslusamvera í Kirkjuselinu í Fellabæ miðvikudaginn 16. mars kl. 20:00.

Sr. Guðný Hallgrímsdóttir MTh, prestur fatlaðra, fjallar um sorg og sorgarviðbrögð með áherslu á missi barna og unglinga.

Dauðinn og sorgin vitja okkar allra á einhverjum tímapunkti. Stundum er þó eins og spilin séu vitlaust gefin og við, eða fólkið í kringum okkur, verður fyrir missi sem hefur þungbær áhrif á okkur. Þá er vonin um betri tíð nauðsynleg. Hluti af þeirri von felst í að sem flestir séu meðvitaðir um sorgarferlið og geti brugðist við með stuðning og umhyggju að leiðarljósi. Og hér á Héraðinu þekkjum við erfið áföll sem markað hafa spor í okkar samfélag. Þjóðkirkjan á svæðinu býður því til fræðslusamveru í Kirkjuselinu í Fellabæ (sama bygging og íþróttahúsið, aðkoma að norðanverðu) miðvikudagskvöldið 16. mars nk. kl. 20:00-21:30. Yfirskriftin er „Missir, sorg og börn.“ Fjallað verður almennt um sorg og sorgarviðbrögð en áhersla lögð á missi barna og unglinga, sorgarviðbrögð þeirra og hvað við sem eldri erum getum gert til að koma til móts við þau.

Fyrirlesari er sr. Guðný Hallgrímsdóttir, MTh, prestur fatlaðra. Hún hefur sinnt sálgæslu í störfum sínum sem sérþjónustuprestur í um 30 ár, lokið framhaldsnámi á því sviði og haldið fjölda námskeiða um efnið, m.a. hjá Endurmenntun Háskóla Íslands.

Foreldrar jafnt sem fagfólk og önnur áhugasöm eru hvött til að mæta. Ókeypis aðgangur. Verið velkomin.

Því miður þurfum við að fresta bænastundinni þar til síðar í mars vegna Covd-19. Við biðjum ykkur að hjálpa okkur að láta það berast.

Á fyrsta föstudegi í mars er alþjóðlegur bænadagur kvenna haldinn víða um heim.

Við verðum með helgistund í Kirkjuselinu í Fellabæ föstudaginn 4. mars kl 17. 

Í ár kemur efnið frá systrum okkar á Englandi, Wales og Norður – Írlandi. En við biðjum líka fyrir friði í Úkraínu.

Verið velkomin systur og bræður. 

Sunnudagurinn 6. mars – Æskulýðsdagur þjóðkirkjunnar
Barna- og fjölskylduguðsþjónusta kl. 10:30. „Fimm ára messa“ – Börn fædd 2017 heiðurgestir og fá bókagjöf! Berglind Hönnudóttir fræðslufulltrúi og Dóra Sólrún Kristinsdóttir djákni leiða stundina ásamt sunnudagaskólateyminu.
Barnakór Egilsstaðakirkju syngur undir stjórn Torvalds Gjerde organista. Mýsla og Rebbi láta sig ekki vanta – Hressing og litastund í lokin. Verið velkomin!

Guðsþjónustunni sem vera átti í Bakkagerðiskirkju á sunnudag, sem og kaffihúsamessunni sem vera átti á Arnhólsstöðum í Skriðdal sama dag, er báðum aflýst vegna mikils fjölda Covid-smita á svæðinu þessa daga auk óvissu með færð. Sunnudagaskólinn verður þó á sínum stað í Egilsstaðakirkju um morguninn, en fullorðnir sem fyrr hvattir til að bera grímu.

(English version below)

Organisti og kórstjórnandi við Egilsstaða-, Þingmúla- og Vallanessóknir

Sóknarnefndir í Egilsstaða-, Þingmúla- og Vallanessóknum auglýsa laust til umsóknar starf organista og kórstjórnanda við sóknirnar frá og með 1. ágúst 2022. Um er að ræða 100% starf, þ.e. 85% starfshlutfall við Egilsstaðasókn og 15% við Þingmúla- og Vallanessóknir. Umsóknarfrestur er framlengdur til 31. mars 2022.

Organisti hefur umsjón með hljóðfæraleik við athafnir í sóknunum og stýrir blómlegu kórastarfi á svæðinu. Tónlist skipar stóran sess við allt helgihald og kirkjustarf í sóknunum. Við kirkjurnar þrjár starfa nú tveir kirkjukórar, barnakór og kammerkór. Áhersla er lögð á að hlúa að og efla kórastarfið. Sóknirnar þrjár tilheyra Egilsstaðaprestakalli og mun organisti starfa náið með prestum, sóknarnefndum og meðhjálpurum ásamt sjálfboðaliðum í kirkjustarfinu.

Ábyrgðarsvið:

• Stýra tónlistarstarfi safnaðanna í samráði við presta, sóknarnefndir og annað starfsfólk
• Hljóðfæraleikur við athafnir, helgihald og annað kirkjustarf*
• Stjórn kórastarfs við sóknirnar
• Umsjón með hljóðfærum í eigu safnaðanna

* Í Egilsstaðasókn er messað að jafnaði annan hvorn helgan dag árið um kring, auk hátíða. Helgihald fer einnig fram á hjúkrunarheimilinu Dyngju. Í Vallanes- og Þingmúlakirkjum er messað 3-4 sinnum á ári í hvorri kirkju. Við guðsþjónusturnar bætist undirleikur organista við annað kirkjustarf eftir samkomulagi við sóknarprest.

Í Egilsstaðakirkju er 19 radda pípuorgel (Mascioni), sem fékk gagngera hreinsun og yfirferð árið 2020. Einnig er þar vandaður Steinway-flygill. Kirkjan er rúmgóð með ýmsum möguleikum í sambandi við tónlistarflutning og tónleikahald. Í bæði Vallaneskirkju og Þingmúlakirkju er orgelharmoníum.

Hæfnikröfur:

• Kirkjutónlistarmenntun frá Tónskóla þjóðkirkjunnar eða sambærilegt nám
• Reynsla af flutningi tónlistar við helgihald
• Metnaður og áhugi fyrir öflugu kórastarfi
• Listfengi og hugmyndaauðgi
• Hæfni í mannlegum samskiptum
• Hæfni til að starfa sjálfstætt

Launakjör eru samkvæmt samningum Félags íslenskra organista (FÍO) og Þjóðkirkjunnar.

Umsóknarfrestur um starfið er til 31. mars 2022 og með umsóknum skulu fylgja afrit af prófskírteinum og ferilskrá. Umsókninni skal fylgja stutt greinargerð um framtíðarsýn og væntingar og samþykki um öflun upplýsinga úr sakaskrá. Umsóknum skal skilað á netfangið: egilsstadakirkja@gmail.com.  Nánari upplýsingar um starfið veitir Þorgeir Arason sóknarprestur í s. 847 9289 og á thorgeir.arason@kirkjan.is.

Organist and Choral Director of Egilsstaðir, Þingmúli and Vallanes Parishes

The parish councils of Egilsstaðir, Þingmúli and Vallanes churches, Múlaþing municipality, East Iceland, are looking to hire an organist & choral director. This is a full time position, 85% for Egilsstaðir church and the remaining 15% jointly for Þingmúli and Vallanes churches. The position is available from August 1^st, 2022.

The organist plays the instrument and leads music at the services of the three churches. Music is at the heart of our worship and other congregational activities. We are very proud of our two parish choirs, as well as of our children´s choir and our chamber choir, and are looking for a church musician who will be an ambitious choral director for our congregations.

The three parishes are a part of the Egilsstaðir consortium of parishes, where three pastors and four organists currently work together, teaming up with parish councils, worship assistants, and other volunteers. Egilsstaðir, Vallanes and Þingmúli churches are congregations within the Evangelical Lutheran Church of Iceland.

Main responsibilities:

• Leading the musical life of the congregations in cooperation with the pastors, parish councils and other team members.
• Playing the organ/ piano at worship and on other occasions.*
• Directing the parish choirs (two to four choir rehearsals a week, from September to May).
• Overseeing the musical instruments of the churches.

* At Egilsstaðir parish, we gather for worship on average every other Sunday at church with additional services during Christmas, Easter, and Pentecost, in addition to occasional services at the local nursing home. At the two smaller churches in the countryside (Vallanes and Þingmúli), we only have three to four services a year at each church. In addition to worship, the organist plays the instrument at other occasions in the congregational activities.

Egilsstaðir church has a 19-stop pipe organ (Mascioni), cleaned and renovated in 2020, in addition to an excellent grand piano (Steinway). The church is spacious with many opportunities for hosting concerts and other musical events. Vallanes church and Þingmúli church both have organ harmoniums.

Egilsstaðir is a small, albeit growing, town of around 2500 inhabitants, surrounded by beautiful nature and with plenty of recreational opportunities. It is the largest populated place of Múlaþing municipality (pop. 5100).

Ideal applicants will have:

– Satisfactory education in church music

– Experience of leading music at worship

– Ambition and interest in directing our choirs

– Artistic and innovative abilities

– Ability for communication and teamwork

– Ability to work independently

Renumeration will be in accordance with Icelandic wage agreements and regulations.

Applications will be accepted through March 31^st, 2022. Please send with your application the following documents: CV, scanned copies of all educational diplomas, your criminal records, and a short statement explaining your views and anticipations regarding your future work in the congregations. Please send your applications to this email address: egilsstadakirkja@gmail.com.

If you would like more information, please contact Þorgeir Arason, parish pastor via email: thorgeir.arason@kirkjan.is.

Egilsstaðakirkja: Sunnudagaskólinn á sínum stað kl. 10:30. Sr. Þorgeir, Elísa, Torvald, Ragnheiður, Mýsla og Rebbi sjá um stundina. Hressing og litastund í lokin.

Seyðisfjarðarkirkja: Messa kl. 11:00. Sr. Sigríður Rún Tryggvadóttir. Organisti Rusa Petriashvili. Kór Seyðisfjarðarkirkju. Meðhjálpari Jóhann Grétar Einarsson.

Bakkagerðiskirkja: Guðsþjónusta kl. 14:00. Dóra Sólrún Kristinsdóttir djákni predikar og leiðir stundina. Bakkasystur syngja. Organisti Jón Ólafur Sigurðsson. Meðhjálpari Kristjana Björnsdóttir. Kaffisopi í Heiðargerði eftir stundina.

Þingmúlasókn: Kaffihúsamessa á Arnhólsstöðum í Skriðdal kl. 15:00. Sr. Brynhildur Óla Elínardóttir. Kór Vallaness og Þingmúla syngur. Organisti Torvald Gjerde. Meðhjálpari Ásta Sigurðardóttir. Kaffiveitingar og gott samfélag. 

Verið velkomin! 

Sr. Kristín Þórunn Tómasdóttir verður nýr prestur hér í Egilsstaðaprestakalli! Við bjóðum hana innilega velkomna til starfa. Lesa má nánar um Kristínu og ráðninguna hér á vef Þjóðkirkjunnar.

Egilsstaðakirkja – Helgihald sunnudaginn 20. febrúar:

Sunnudagaskóli kl. 10:30. Sr. Þorgeir, Elísa, Ragnheiður og Torvald við flygilinn sjá um stundina. Rebbi og Mýsla opna fjársjóðskistuna. Mikill og fjörugur söngur. Hressing og litastund fyrir börnin í lokin.

Konudagsmessa kl. 20:00. Sr. Brynhildur Óla Elínardóttir og Dóra Sólrún Kristinsdóttir djákni þjóna og íhuga konurnar í Biblíunni. Kór Egilsstaðakirkju og Torvald Gjerde organisti. Héraðsdætur og Drífa Sigurðardóttir taka einnig virkan þátt í tilefni dagsins.

Verið velkomin til kirkju!

Stjörnustund – Frístundastarf kirkjunnar fyrir börn í 1.-4. bekk á Héraði hefst aftur 14. febrúar:

• í Safnaðarheimili Egilsstaðakirkju mánudaga kl. 16:15-17:30, aðalumsjón Berglind Hönnudóttir (sími 773-3373, berglind.honnudottir@kirkjan.is)

• í Kirkjuselinu Fellabæ mánudaga kl. 16:30-17:45, aðalumsjón sr. Brynhildur Óla Elínardóttir (sími 864-7525, brynhildurola@gmail.com)

Á hverjum mánudegi er eitthvað skemmtilegt brallað í Stjörnustund t.d. leikir, fjör, ratleikur, föndur, sögur, perlur og margt fleira. Í hverri viku er helgistund með söng og góðum boðskap. Ekkert þátttökugjald og öll börn í 1.-4. bekk eru velkomin.

Útför Ólafar Mögnu Guðmundsdóttur verður gerð frá Egilsstaðakirkju þriðjudaginn 8. febrúar. Prestur sr. Hjálmar Jónsson. Organisti Jón Ólafur Sigurðsson. Félagar úr Kórakórnum syngja. Einsöngur Nanna Halldóra Imsland. Gítarleikur Friðrik Jónsson. Meðhjálpari Auður Anna Ingólfsdóttir.

Streymi frá útförinni má nálgast hér.