Sunnudaginn 12. nóvember er fjölskylduguðsþjónusta í Seyðisfjarðarkirkju kl. 11

Sr. Sigríður Rún Tryggvadóttir þjónar ásamt aðstoðarleiðtogum. Organisti er Benedikt Hermann Hermannsson og kór Seyðisfjarðarkirkju leiðir okkur í söng.

Verið velkomin

Happdrætti ÆSKA 2017 – dregið var 1. nóvember 

Æskulýðssamband kirkjunnar á Austurlandi (ÆSKA) stóð fyrir happdrætti til styrktar ferð unglinga af svæðinu á landsmót ÆSKÞ sem að þessu sinni fór fram á Selfossi 20.-22. október sl. Að auki rann hluti af söluverði miðans til Hjálpastarfs kirkjunnar sem styður við umhverfisvæn landbúnaðarverkefni með fátækum bændum í Sómalíufylki í Eþíópíu.

Tæplega sjötíu unglingar og leiðtogar af Austurlandi tóku þátt í landsmótinu, þar fór fram fræðsla og skemmtun til uppbyggingar æskunni. Áhersla mótsins var á umhverfisvernd og hvernig við viðhöldum hinni góðu sköpun Guðs.

ÆSKA óskar vinningshöfum til hamingju og þakkar veittan stuðning. Enn fremur þakkar ÆSKA öllum sem gáfu vinninga eða studdu happdrættið á annan hátt kærlega fyrir stuðninginn. Fulltrúi sýslumannsins á Austurlandi dró í happdrættinu þann 1. nóvember, að viðstöddum votti og fulltrúa ÆSKA.

Vinninga má vitja hjá Erlu Björk Jónsdóttur, sími 869 0637, í Safnaðarheimili Reyðarfjarðarkirkju.

Vinsamlegast vitjið vinninga fyrir 1. janúar 2018.

Egilsstaðakirkja – Sunnudagurinn 5. nóvember:

Sunnudagaskóli kl. 10:30

Gospelmessa kl. 20:00
Stúlknakórinn Liljurnar syngur og leiðir léttan lofsöng undir stjórn Margrétar Láru Þórarinsdóttur.
Íris Randversdóttir vitnar um trúna og lífið. Sr. Þorgeir Arason leiðir stundina og flytur hugvekju. Meðhjálpari er Kjartan Reynisson og messuþjónar taka virkan þátt.
Lifandi stund í Guðs húsi og kaffisopi í lokin.
Verið velkomin!

Sunnudagskóli kl. 11. Gæðastund fjölskyldunnar. Umsjón hafa Ísold Gná Ingvadóttir og aðstoðarleiðtogar. Djús og ávextir í safnaðarheimili eftir stundina.

Messa kl. 20. Konfekt og kaffi í safnaðarheimili eftir messu.

Verið velkomin

Helgihald í Egilsstaðaprestakalli 22. október – verum öll velkomin til kirkju:

Ássókn í Fellum:
Fjölskylduguðsþjónusta í Kirkjuselinu kl. 14. Börn úr barnastarfinu taka þátt. Kór Áskirkju leiðir söng, organisti Drífa Sigurðardóttir. Prestur Ólöf Margrét Snorradóttir. Vöfflukaffi að lokinni guðsþjónustu.
Verið velkomin!

Bakkagerðiskirkja:
Messa kl. 14. Sr. Þorgeir Arason. Organisti Jón Ólafur Sigurðsson. Bakkasystur syngja. Kaffisopi eftir messu.

Egilsstaðakirkja:
Sunnudagaskólinn er á sínum stað kl. 10:30

Messa kl. 18. Sr. Þorgeir Arason. Organisti Torvald Gjerde. Kór Egilsstaðakirkju syngur. Kaffisopi eftir messu.

Sunnudagsmorguninn 15. október verður barna- og fjölskyldumessa í Egilsstaðakirkju kl. 10:30. Barnakór kirkjunnar syngur, sunnudagaskólinn tekur virkan þátt og hugleiðing dagsins verður með aðstoð leyniteikningar og þeirra félaga, Mýslu og Rebba. Hressing eftir stundina og litamynd fyrir börnin. Sr. Þorgeir leiðir stundina ásamt leiðtogum barnastarfsins og organisti og barnakórstjóri er Torvald Gjerde. Allir velkomnir.

Á sunnudagskvöldið, 15. okt. kl. 20:00, verður svo samvera í Safnaðarheimilinu (Hörgsási 4). Þar mun Mailis Junatuinen tala út frá Guðs orði. Mailis er frá Finnlandi en hún hefur verið kristniboði í Japan um árabil og hefur mikið hjarta fyrir biblíuleshópum. Hún er stödd hér á landi í boði Kristniboðssambandsins. Kaffiveitingar verða að samveru lokinni og í framhaldinu er ætlunin að bjóða upp á biblíuleshóp sem myndi hittast vikulega fram á aðventu. Allir velkomnir.

Sunnudaginn 8. október kl.11 er messa og sunnudagskóli í Seyðisfjarðarkirkju.

Messa: Kór Seyðisfjarðarkirkju leiðir almennan safnaðarsöng og organisti er Jón Ólafur Sigurðsson. Prestur er sr. Sigríður Rún Tryggvadóttir og meðhjálpari er Jóhann Grétar Einarsson.

Sunnudagaskóli í safnaðarheimili á sama tíma. Umsjón hefur Ísold Gná Ingvadóttir ásamt aðstoðarleiðtogum. Rebbi og Vaka, biblíusaga og nýtt myndband með Hafdísi og Klemma.

Kaffi, djús og kökur í safnaðarheimili eftir stundina.

Kyrrðarbænastundir (Centering Prayer) eru nú að hefjast aftur á Egilsstöðum eftir nokkuð drjúgt sumarleyfi.

Í vetur verða þessar stundir í Safnaðarheimili Egilsstaðakirkju á fimmtudögum kl. 17:00 (ath. ekki í kirkjunni heldur við altarið í Safnaðarheimilinu) og hefjast nk. fimmtudag, 28. september. 

Eins og sl. vetur verður opið hús frá kl. 16:30, hægt að fá sér te-/kaffisopa, spjalla saman og jafnvel lesa saman eitthvert efni um Kyrrðarbæn. Bænastundin sjálf hefst svo kl. 17:00 með stuttri innleiðingu og 20 mín. íhugun. Óskum við þess að þeir sem ætla að taka þátt séu komnir inn fyrir kl. 17:00 svo að kyrrðin sé óröskuð.

Dagmar Ósk Atladóttir mun leiða þessar stundir ásamt sóknarpresti í vetur. Þátttaka er að vanda öllum heimil, ókeypis og frjáls.

Á vefnum kristinihugun.is má finna nánari upplýsingar um Kyrrðarbæn.

Sunnudaginn 1. október verður sunnudagaskólinn í Egilsstaðakirkju á sínum stað kl. 10:30.

„Bleik messa“ verður svo kl. 20:00 um kvöldið í upphafi bleiks mánaðar.

Kvöldmessa í léttum dúr en með alvarlegum undirtóni þar sem stundin er helguð árvekniátaki gegn krabbameini.

Sólveig Heiðrún Stefánsdóttir segir okkur reynslusögu sína tengda þeim vágesti.

Kór Egilsstaðakirkju og Torvald Gjerde við flygilinn flytja og leiða ljúfa tóna. Sr. Þorgeir Arason leiðir stundina og flytur hugvekju. Messuþjónar og fermingarbörn aðstoða við stundina og meðhjálpari er Ásta Sigfúsdóttir.

Kaffisopi eftir messu og tekið við frjálsum framlögum til Krabbameinsfélags Austurlands.

Verið velkomin í bleiku kirkjuna – ekki spillir að mæta í bleiku!

Sunnudaginn 17. september kl. 20.

Hildur Þórisdóttir deilir reynslu, styrk og von. Um tónlistina sér Benedikt Hermann Hermannsson. Tónlistin er eftir Megas.

Prestur er sr. Sigríður Rún Tryggvadóttir og meðhjálpari er Jóhann Grétar Einarsson.

Kaffi og konfekt í safnaðarheimili eftir messu.