Egilsstaðaprestakall

Sunnudaginn 26. júlí kl. 20:00, verður haldin ljóðamessa í Egilsstaðakirkju. Séra Davíð Þór Jónsson þjónar fyrir altari og prédikar.

Kór og organisti verða í hvíld, en í staðinn verður hið talaða orð, skáldskapurinn, í brennidepli. Messan verður með hefðbundnu sniði að því undanskildu að í stað sálmasöngs lesa austfirsk skáld frumsamin ljóð með andlegu og trúarlegu ívafi. Skáldin sem leggja hönd á plóg í ljóðamessunni eru Arnar Sigbjörnsson, Hulda Sigurdís Þráinsdóttir, Ingunn Snædal, Sigurður Ingólfsson og Stefán Bogi Sveinsson.

Að sjálfsögðu eru allir velkomnir og vonast aðstandendur til að sem flestir láti sjá sig.

Messað verður í Sleðbrjótskirkju í Jökulsárhlíð sunnudaginn 26. júlí kl. 14 (ath. breyttan messutíma).

Prestur sr. Davíð Þór Jónsson. Organisti Magnús Magnússon. Kór Kirkjubæjar- og Sleðbrjótskirkna leiðir söng. Meðhjálpari Margrét Dögg Guðgeirsdóttir Hjarðar.

Allir velkomnir.

Klyppstaðarkirkja (Mynd: Magnús R. Jónsson)

Árleg messa í Klyppsstaðarkirkju í Loðmundarfirði fer að þessu sinni fram sunnudaginn 19. júlí kl. 14:00. Þangað eru allir velkomnir.

Athugið að til kirkjunnar þarf að áætla um 1,5 klst. akstur frá Borgarfirði eystra. Vegurinn er aðeins fær fjórhjóladrifnum bílum.

Kirkjan á Klyppstað í Loðmundarfirði er látlaus og formfögur timburkirkja, reist árið 1895. Yfirsmiður var Jón Baldvin Jóhannesson, bóndi í Stakkahlíð.

Klyppstaður fór í eyði 1962 og önnur byggð í Loðmundarfirði lagðist af upp úr 1970. Kirkjan stendur enn og voru miklar endurbætur gerðar á henni á árunum 1976-1986 og árið 1990 var hún friðuð. Ferðafélag Fljótsdalshéraðs tók kirkjuna undir sinn verndarvæng árið 2010 og var hún máluð að utan það sumar.

Messað verður í Egilsstaðakirkju sunnudaginn 12. júlí kl. 11:00.

Þorgeir Arason sóknarprestur predikar og leiðir stundina. Organisti Torvald Gjerde. Meðhjálpari Þórdís Kristvinsdóttir.

Almennur safnaðarsöngur.

Kaffisopi eftir messu.

Allir velkomnir.

Vallaneskirkja

Nú eru tvær tónlistarstundir eftir þetta sumarið af hinni metnaðarfullu röð stuttra sumartónleika sem Torvald Gjerde stýrir í Egilsstaða- og Vallaneskirkjum:

2. júlí í Egilsstaðakirkju kl. 20.00
Björgvin gítarkvartett frá Noregi
Öystein Magnús Gjerde frá Fellabæ er einn þeirra

5. júlí í Vallaneskirkju kl. 20.00
Erla Dóra Vogler frá Egilsstöðum, mezzósópran
Torvald Gjerde, organisti, harmoníum/harmonikka

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum. 

Tónlistarstundirnar 2015 njóta stuðnings Uppbyggingarsjóðs Austurlands og viðkomandi kirkna.

Sunnudaginn 5. júlí verða tvær guðsþjónustur í Egilsstaðaprestakalli:

Frá Eiríksstaðakirkju

Sumarmessa í Eiríksstaðakirkju kl. 14.
Prestur sr. Þorgeir Arason. Organisti og söngstjóri Jón Ólafur Sigurðsson.
Allir velkomnir.

Eiríksstaðakirkja er lítil steinkirkja á Efra-Jökuldal, reist að mestu árið 1913 en vígð 21. júní 1914 af sr. Haraldi Þórarinssyni. Kirkjan er með elstu steinhúsum á Héraði og elsta steinsteypta kirkja prestakallsins.

Tónlistarstund í Egilsstaðakirkju kl. 20.
Fram koma hljóðfæranemar frá Egilsstöðum:
Sigurlaug Björnsdóttir, flauta
Ása Jónsdóttir, fiðla
Bríet Finnsdóttir, fiðla/lágfiðla
Suncana Slamnig kennari, píanó.

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum.

Tónlistarstundir verða í sumar líkt og undanfarin sumur í Egilsstaðakirkju og Vallaneskirkju.
Um er að ræða fjölbreytta dagskrá með ýmsum listamönnum af Héraði og lengra að. Allir velkomnir.

Aðgangseyrir er kr. 1.500 og kr. 1.000 fyrir nema, öryrkja og eldri borgara, athugið enginn posi á staðnum. 

18. júní í Egilsstaðakirkju kl. 20.00
Kór Egilsstaðakirkju
Torvald Gjerde, organisti kirkjunnar, stjórnandi

Kyrrðarstund alla mánudaga kl. 18 í Safnaðarheimilinu að Hörgsás 4.
Opið hús alla miðvikudaga kl. 13-16 í Kirkjuselinu, Smiðjuseli 2.

Helgihald á Héraði, Borgarfirði og Seyðisfirði sumarið 2015

Júní

13. júní
Eiðakirkja – Messa kl. 14 – ferming

14. júní
Hofteigskirkja – Messa kl. 14 – ferming

Valþjófsstaðarkirkja – Messa kl. 14 – ferming

17. júní
Egilsstaðakirkja – Hátíðarguðsþjónusta kl. 13 – Skátar aðstoða

Seyðisfjarðarkirkja – Hátíðarguðsþjónusta, nánar auglýst síðar

Sleðbrjótskirkja – Hátíðarmessa kl. 14 – ferming

21. júní
Bakkagerðiskirkja – Messa kl. 14 – ferming

Möðrudalskirkja – Messa kl. 14 – ferming

Hjaltastaðarkirkja – Kvöldmessa kl. 20

28. júní
Eiríksstaðakirkja – Guðsþjónusta kl. 14

Júlí

5. júlí
Selskógur, Egilsstöðum – Guðsþjónusta kl. 11 (ef veður leyfir, annars í kirkjunni)

Eiðakirkja – Kvöldmessa kl. 20

12. júlí
Egilsstaðakirkja – Messa kl. 11

19. júlí
Klyppsstaðarkirkja – Messa kl. 14

Sleðbrjótskirkja – Kvöldmessa kl. 20

26. júlí
Egilsstaðakirkja – Lesmessa kl. 20

Ágúst

2. ágúst
Valþjófsstaðarkirkja – Kvöldmessa kl. 20

9. ágúst
Útimessa á Héraði kl. 14 – Nánari staðsetning auglýst síðar

Egilsstaðakirkja – Kvöldmessa kl. 20

12. ágúst (miðvikudagur)
Bakkagerðiskirkja – Kvöldmessa kl. 20

15. ágúst (laugardagur)
Möðrudalskirkja – Messa kl. 14

16. ágúst
Þingmúlakirkja – Kvöldmessa kl. 20

23. ágúst
Skriðuklaustur – Guðsþjónusta við rústir klausturkirkjunnar kl. 16:30

30. ágúst
Egilsstaðakirkja – Guðsþjónusta kl. 11

Kirkjubæjarkirkja – Guðsþjónusta kl. 14

Allir hjartanlega velkomnir í kirkju í sumar.