Sunnudagaskólinn er farinn af stað aftur eftir sumarfrí og er alla sunnudaga kl. 10:30 í kirkjunni. Þar er alltaf líflegur söngur, kirkjuleikfimi, sögur og brúður, litamynd og hressing í lokin.

Stjörnustund fyrir krakka í 1.-4. bekk hefst 11. september og er alla mánudaga kl. 17:00-18:30. Athugið að Stjörnustundin verður núna í Safnaðarheimilinu. Fjölbreytt dagskrá í vetur, m.a. leikir, föndur, spil, kókoskúlugerð, Asíufundur o.fl. spennandi. Ókeypis!

TTT- Listasmiðja fyrir krakka í 5.-7. bekk hefst 18. september og verður mánudaga kl. 15:30-17:00 í fjórar vikur (18. sept. – 9. okt.). Í boði er myndlist, leirvinna, föndur o.fl. Verð: 1.500 kr. (efniskostnaður). Umsjón hafa Ásta Sigfúsdóttir myndlistarmaður og prestarnir.

BÍBÍ – Æskulýðsfélag fyrir unglinga í 8.-10. bekk hefst 12. september og verður á þriðjudagskvöldum kl. 20:00-22:00. Sr. Sigríður Rún hefur umsjón með starfinu. Fjölbreytt starf, m.a. ferð á Landsmót ÆSKÞ á Selfossi 20.-22. október.

Ekki er þörf á að skrá þátttakendur fyrirfram í neitt starfið, nóg að mæta á staðinn.

Safnaðarheimilið

Messað verður í Egilsstaðakirkju sunnudaginn 17. september kl. 18:00. Prestur er sr. Þorgeir Arason, organisti Torvald Gjerde, Kór Egilsstaðakirkju syngur. Meðhjálpari er Ásta Sigfúsdóttir og messuþjónar og fermingarbörn aðstoða.

Eftir messuna verður boðið upp á matarmikla súpu í Safnaðarheimili kirkjunnar, Hörgsási 4, og fagnað endurbótum sem nú er lokið í húsinu.

Guðsþjónusta verður á Hjúkrunarheimilinu Dyngju sama dag kl. 17:00. Sr. Þorgeir, Torvald organisti og kirkjukórinn þjóna.

Verið velkomin til messu!

 Prestar Egilsstaðaprestakalls

Tvær guðsþjónustur verða í Egilsstaðaprestakalli á sunnudaginn, 27. ágúst:

Kirkjubæjarkirkja kl. 14:00

Prestur er Þorgeir Arason. Organisti Jón Ólafur Sigurðsson. Kór Kirkjubæjar- og Sleðbrjótssókna.

Ásmundur Þórarinsson segir frá hinum merka predikunarstóli kirkjunnar, sem talinn er sá elsti í íslenskri kirkju.

Minnum á kaffisölu Kvenfélagsins í Tungubúð eftir messu.

Egilsstaðakirkja kl. 20:00 – Kvöldguðsþjónusta í léttum dúr

Upphaf fermingarstarfanna í Egilsstaðaprestakalli. Stuttur fundur með væntanlegum fermingarbörnum og foreldrum þeirra eftir messu.

Torvald Gjerde og félagar úr kirkjukórnum leiða tónlistina. Prestarnir þjóna.

Að sjálfsögðu eru allir velkomnir í báðar guðsþjónusturnar!

Hjaltastaðarkirkja

Sunnudaginn 20. ágúst er messa í Hjaltastaðakirkju kl. 14. Biskup Íslands, frú Agnes M. Sigurðardóttir prédikar og lýsir blessun. Sr. Jóhanna Sigmarsdóttir og sr. Sigríður Rún Tryggvadóttir þjóna fyrir altari.

Kaffi í boði sóknarnefndar í Hjaltalundi eftir messu. Kvenfélag Hjaltastaðarþinghár hefur umsjón með kaffi.

Verið velkomin 

Tónleikar og messa í Hofteigskirkju.

Messan hefst með ljúfum tónum Krossbandsins frá Akureyri og leiða þau einnig sönginn í messunni. Krossbandið skipa þau Snorri Guðvarðsson, Ragnheiður Júlíusdóttir og Finnur Finnsson.
Krossbandið er lítið band með stórt hjarta
og leika þau létta sálma, alþýðulög og dægurlög í bland.

Ólöf Margrét Snorradóttir þjónar.

Kaffisopi í safnaðarheimili að messu lokinni.

Verið velkomin til kirkju!

Að vanda er messað í Bakkagerðiskirkju, Borgarfirði eystra, á síðsumarkvöldi og líkt og undanfarin ár verður þessi stund nú á miðvikudagskvöldi, að þessu sinni 16. ágúst klukkan 20:00.

Prestur er Þorgeir Arason, organisti Jón Ólafur Sigurðsson.

Félagar úr kór kirkjunnar (Bakkasystrum) leiða sönginn.

Kaffisopi í Heiðargerði eftir messu.

Verum velkomin!

Guðsþjónusta á Fljótsdalsdegi kl. 16:30 við rústir Klausturkirkjunnar á Skriðu. 

Prestur Ólöf Margrét Snorradóttir. Organisti Jón Ólafur Sigurðsson. Verið velkomin!

Kvöldmessa á Ormsteiti kl. 20 í Þingmúlakirkju.

Prestur Þorgeir Arason. Organisti Jón Ólafur Sigurðsson.
Kórfélagar leiða almennan söng. Eftir messu býður sóknin í myndarlegt kirkjukaffi í félagsheimilinu Arnhólsstöðum.
Allir velkomnir!

Ólöf Margrét Snorradóttir þjónar í kvöldmessu
í Valþjófsstaðarkirkju sunnudaginn 6. ágúst kl. 20.
Jón Ólafur Sigurðsson leikur á orgelið.

Verið velkomin!

Fjölskyldustund verður í Egilsstaðakirkju sunnudaginn 6. ágúst kl. 10:30.

Bænastund, sögur, leikir og litir.

Allir hjartanlega velkomnir!