Egilsstaðakirkja / Áskirkja: Vorhátíð – Páskastund fjölskyldunnar! Rútuferð kl. 10:00 frá Egilsstaðakirkju og 10:10 frá Olís Fellabæ. Samverustund hefst kl. 10:30 í Áskirkju. Páskaeggjaleit og pylsupartí í Safnaðarheimili Egilsstaðakirkju eftir ferðina frá Ási!

Þetta verður lokastund sunnudagaskólans í vetur en krökkum í Stjörnustund í Fellabæ og á Egilsstöðum er líka boðið með, og reyndar væri gaman að sjá alla krakka og konur og kalla með skalla (eða hár), og að sjálfsögðu verður gleðin ókeypis. Sr. Ólöf, sr. Þorgeir og leiðtogar barnastarfsins leiða stundina.

Seyðisfjarðarkirkja: Fjölskylduguðsþjónusta og páskaeggjaleit kl. 11:00. Kaffi og hressing í Safnaðarheimili eftir stundina. Sr. Sigríður Rún Tryggvadóttir.

Sleðbrjótskirkja: Fermingarmessa kl. 15:00. Fermd verður Þorbjörg Helga Andrésdóttir, Brúarási. Sr. Þorgeir Arason. Organisti Jón Ólafur Sigurðsson. Kór Kirkjubæjar- og Sleðbrjótssókna.

Áfallateymi Austurlands stendur fyrir opnum fundi í Kirkju- og menningarmiðstöðinni á Eskifirði, miðvikudagskvöldið 21. mars kl. 20. Elfa Dögg S. Leifsdóttir, sálfræðingur hjá Rauða krossi Íslands, fjallar um áföll og viðbrögð í kjölfar þeirra og þau bjargráð er við eigum og hvernig við hlúum hvert að öðru. 

Áfallateymi Austurlands er skipað fulltrúum frá HSA og Félagsþjónustu Fljótsdalshéraðs og Fjarðabyggðar ásamt prestum þjóðkirkjunnar í Austurlandsprófastdæmi og nær þjónustusvæðið frá Vopnafirði að Djúpavogi.  Hlutverk og tilgangur teymisins er á sviði forvarna og fræðslu, að stuðla að forvörnum gegn sjálfsvígum. Einnig að tryggja og samhæfa eftirfylgd við aðstandendur og vini eftir skyndidauða af völdum slysa eða sjálfsvíga. Sem og stuðning og fræðslu við samfélagið, og miðlun upplýsinga.

Boðið upp á kaffi og umræður í lokin.
Fundurinn er öllum opinn.
Verið velkomin!

Sunnudagaskóli kl. 10:30. Brúður, söngur og sögur. Hressing og litastund í lokin.

Kvöldmessa í léttum dúr kl. 20. Torvald Gjerde og félagar úr kór Egilsstaðakirkju leiða sönginn. Þorgeir og Ólöf Margrét þjóna. Kvöldkaffi eftir messu. Vænst er þátttöku fermingarbarna.

Dagskrá í tali og tónum í tilefni 60 ára afmælis Kórs Áskirkju

Kór Áskirkju syngur valin lög og sálma, meðal annars Dona Nobis Pacem, Máríuvísur, Vér lyftum hug í hæðir, einnig lög eftir Sæbjörn Jónsson og Oddbjörgu Sigfúsdóttur.

Stjórnandi og undirleikari er Drífa Sigurðardóttir.

Sr. Ólöf Margrét Snorradóttir leiðir stundina.

Kaffiveitingar að dagskrá lokinni.

Verið velkomin í Áskirkju!

Sunnudaginn 11. mars brjótum við upp hið hefðbundna messuform og verðum með stöðvamessu í Seyðisfjarðarkirkju kl. 11, með áherslu á kristna íhugun og bæn og altarisgönguna. Sigurbjörg Kristínardóttir organisti sér um tónlistina. Prestur er sr. Sigríður Rún Tryggvadóttir.

 Komið til mín, öll þér sem erfiðið og þunga eruð hlaðin, og ég mun veita yður hvíld (Matteusarguðspjall 11.28)

Egilsstaðakirkja 4. mars:

Sunnudagaskólinn kl. 10:30. Rebbi og Mýsla mæta á svæðið, sagan, söngurinn og kirkjuleikfimin verða á sínum stað.

Messa kl. 18:00. Prestur Þorgeir Arason, organisti Torvald Gjerde, Kór Egilsstaðakirkju. Meðhjálpari Ásta Sigfúsdóttir.

Athugið að Biblíuleshópur starfar í Safnaðarheimili alla miðvikudaga kl. 20:00 til páska. Þangað eru allir velkomnir til þátttöku.

Minnum einnig á Stjörnustund (6-9 ára) mánudaga kl. 17:00 og Bíbí – æskulýðsfélag þriðjudaga kl. 20:00 í Safnaðarheimilinu.

Sunnudaginn 25. febrúar kl. 14

Kór Áskirkju leiðir sönginn. Organisti Drífa Sigurðardóttir.  Fermingarbörn og þátttakendur í barnastarfinu aðstoða.
Prestur Ólöf Margrét Snorradóttir.

Kaffi í boði fermingarbarna eftir guðsþjónustuna.

Hlökkum til að sjá ykkur!

Á öðrum sunnudegi í föstu, þann 25. febrúar er messa kl. 11. Kór Seyðisfjarðarkirkju leiðir almennan safnaðarsöng. Organisti og kórstjóri er Sigurbjörg Kristínardóttir. Fermingarbörn aðstoða í messunni.

Eftir messu er boðið upp á kökur í safnaðarheimili kirkjunnar.

Sunnudagaskólinn á sínum stað kl. 10:30.
Söngur, sögur og litastund. Umsjón Ólöf Margrét ásamt leiðtogum, Torvald á píanóinu. Verið velkomin!

Messa á konudegi kl. 20
Kór Egilsstaðakirkju syngur og leiðir almennan safnaðarsöng, organisti Torvald Gjerde
Kvennakórinn Héraðsdætur verða sérstakir heiðursgestir og syngja nokkur lög undir stjórn Margrétar Láru Þórarinsdóttur, Tryggvi Hermannsson leikur undir.
Prestur Ólöf Margrét Snorradóttir, meðhjálpari Ásta Sigfúsdóttir.

Kaffi og konfekt í lokin!
Verið innilega velkomin í messu á konudegi!