Alþjóðlegur bænadagur kvenna föstudaginn 2. mars.  Í ár er efnið frá  Súrínam á norðausturströnd Suður-Ameríku. Yfirskriftin er ,,Öll Guðs sköpun er harla góð.“ Við komum saman í safnaðarheimili Egilsstaðakirkju, Hörgsási 4.

Á Íslandi hafa konur staðið fyrir helgistund á fyrsta föstudegi í mars frá 1964 .

Við í Egilsstaðaprestakalli höfum komið saman í allmörg ár og verið með helgistund og fylgt þemanu og efninu.

Konur leiða stundina en að sjálfsögðu eru allir velkomnir, konur, karlar og börn.

Eftir helgistundina er boðið upp á kaffi, te og meðlæti.