Hvítasunnan er ein af þremur stórhátíðum kristinnar kirkju. Hún er stofnhátíð kirkjunnar, því að á hvítasunnunni fengu lærisveinarnir kraft heilags anda til að boða trúna á Jesú og samfélag kirkjunnar varð til. Víða um land er gjarnan fermt um hvítasunnuna, og svo er einnig hér í Egilsstaðaprestakalli. Fjórar guðsþjónustur verða í prestakallinu á hvítasunnudag, 28. maí, og eru þær allar öllum opnar:

Egilsstaðakirkja: Hátíðarmessa kl. 10:30 – Ferming. Sr. Þorgeir Arason og Gunnfríður Katrín Tómasdóttir fræðslufulltrúi. Kór Egilsstaðakirkju. Organisti Sándor Kerekes. Meðhjálpari Íris Randversdóttir.

Áskirkja í Fellum: Hátíðarmessa kl. 11:00 – Ferming. Sr. Kristín Þórunn Tómasdóttir. Kór Áskirkju. Organisti Drífa Sigurðardóttir. Meðhjálpari Bergsteinn Brynjólfsson.

Þingmúlakirkja: Hátíðarmessa kl. 14:00 – Ferming. Sr. Þorgeir Arason. Sveitakórinn – Kór Vallaness og Þingmúla. Organisti Sándor Kerekes. Meðhjálpari Magnús Karlsson.

Hjúkrunarheimilið Dyngja, Egilsstöðum: Hátíðarmessa kl. 17:00 á Hamri (sal 3. hæð). Sr. Kristín Þórunn Tómasdóttir. Kór Egilsstaðakirkju. Organisti Sándor Kerekes.

Aðalsafnaðarfundur Egilsstaðasóknar fer fram í dag, fimmtudaginn 11. maí, kl. 17 í safnaðarheimili kirkjunnar. Allir íbúar sóknarinnar sem eru í þjóðkirkjunni eru velkomnir á fundinn, þar sem m.a. verða kosnir fulltrúar í sóknarnefnd.

Að sjálfsögðu verður þess gætt að fundarstörf klárist fyrir kl. 19, þegar Ísland stígur á stokk í seinni undanúrslitum Júróvisjón!

Útför frá Seyðisfjarðarkirkju 9. maí kl 14. Hægt er að fylgjast með streymi frá útförinni hér

Nú er komið að eldri borgara guðsþjónustu þetta vorið. Hún verður kl. 14 sunnudaginn 14. maí í Egilsstaðakirkju.

Sönghópur Eldri borgara í Hlymsdölum syngur undir stjórn Sigríðar Laufeyjar Sigurjónsdóttur. Meðhjálpari er Guðrún María Þórðardóttir og sr. Kristín Þórunn Tómasdóttir þjónar.

Eftir messu verður boðið upp á vöfflur og súkkulaði í safnaðarheimili kirkjunnar.

Verum öll innilega velkomin!

Vorhátíð barnastarfsins á Egilsstöðum og í Fellabæ fór fram í Kirkjumiðstöðinni á Eiðum síðastliðinn sunnudag og góðu vetrarstarfi fagnað! Þar komu saman krakkar og foreldrar úr sunnudagaskólanum, stjörnustund og TTT og áttu frábæra stund sem byrjaði á súper sunnudagaskóla með tónlistaratriðum, leikþætti, brúðuleikhúsi og miklum söng.

Eftir það var boðið upp á grillaðar pylsur með alvöru sinnepi (fyrir hin fullorðnu auðvitað) og svo voru leikir utan húss og innan.

Einnig var boðið upp á andlitsmálningu og vandað föndur, eins og þetta skírnartré, þar sem krakkar í starfinu fá að setja laufblöð með nöfnum sínum á greinar trésins.

Gleðilegt sumar!

Útför Ásgeirs Jóns Ámundssonar verður gerð frá Seyðisfjarðarkirkju 8. maí kl. 14.00, hægt er að fylgjast með streymi frá útförinni hér

(útsending hefst skömmu fyrir útför).

Sunnudagaskóli kl. 10:30 í Safnaðarheimilinu.

Söngur, saga og brúður. Hressing og litamynd í lokin! – Minnum á að þann 7. maí lýkur svo barnastarfi kirkjunnar í vetur með vorhátíð í Kirkjumiðstöðinni við Eiðavatn.

Lofgjörðar- og bænastund kl. 20:00 í Safnaðarheimilinu.

Í þessari samveru munum við syngja mikið saman, lofa Drottin og eiga samfélag um bæn og Guðs orð. Þetta verður í heimilislegum stíl og jafnvel hægt að koma með óskir um sálma til að syngja. Sóknarprestur og Sándor við hljómborðið leiða stundina. Athugið að þessi stund verður í Safnaðarheimilinu. (Ath. Æðruleysismessu sem auglýst var í Kirkjutíðindum er frestað fram í september.)

Sunnudagaskóli í Safnaðarheimilinu kl. 10:30. Mikill söngur, saga, brúður, hressing og litamynd í lokin. Sunnudagaskólinn starfar út apríl og svo verður Vorhátíð barnastarfsins þann 7. maí – nánar auglýst síðar.

Kvöldmessa í Egilsstaðakirkju kl. 20:00. Kristilegur hópur frá Færeyjum tekur virkan þátt í guðsþjónustunni. Sóknarprestur þjónar fyrir altari. Sr. Sverri Steinhólm, sjúkrahús- og fangaprestur í Þórshöfn, predikar og fleiri fulltrúar færeyska hópsins vitna um trúna. Helgi Joensen túlkar á íslensku. Organisti Sándor Kerekes. Kór Egilsstaðakirkju syngur og leiðir sönginn. Færeyski hópurinn flytur tónlistaratriði, Ólavur Jacobsen og Alexander Hammar leika á gítar og bassa. Kaffisopi í lokin. Verum velkomin!

Bænadagar og páskar er tími sem býður okkur til íhugunar og samveru á ólíkan hátt. Þessi hápunktur kirkjuársins er fjársjóður þar sem við fáum að hittast í kringum sögu, minningu og lifandi veruleika kristinnar trúar.

Eins og áður er boðið upp á fjölbreytt helgihald í Egilsstaðaprestakalli þessa daga. Það er nóg í boði fyrir þau sem vilja hefðbundið helgihald og fyrir þau sem vilja líka upplifa öðruvísi samveru samfélagsins. Við minnum á eftirfarandi helgihald og viðburði og að það eru öll hjartanlega velkomin:

Skírdagur: Helgistund í Egilsstaðakirkju með máltíð kl. 18:00. Sr. Þorgeir Arason. Organisti Sándor Kerekes. Óhefðbundin guðsþjónusta þar sem setið er við langborð í kirkjunni í bæn, lofsöng og máltíð Drottins og sameinast í kvöldverði í anda síðustu kvöldmáltíðarinnar.

Passíusálmar í tali og tónum í Bakkagerðiskirkju kl. 17:00.

Kvöldmessa í Hjaltastaðarkirkju kl. 20:00. Sr. Sigríður Rún Tryggvadóttir. Organisti Jón Ólafur Sigurðsson. Söngfuglar kirkjunnar.

Föstudagurinn langi:

„Píslargangan í Fljótsdal“ kl. 11:00. Gengið frá Valþjófsstaðarkirkju í Skriðuklaustur. Lesið úr Passíusálmunum og píslarsögunni á leiðinni. Sr. Kristín Þórunn Tómasdóttir og Skúli Björn Gunnarsson leiða gönguna, sem er samstarfsverkefni prestakallsins og Gunnarsstofnunar.

„Sálmar og sætabrauð“ í Tehúsinu, Egilsstöðum, kl. 15:00. Sr. Kristín Þórunn, Sándor og Vírag, ásamt Halldóri Warén „prófasti“ leiða eldri og yngri sálma við fjölbreyttan undirleik.

Passíusálmar með gamla laginu fluttir í Egilsstaðakirkju kl. 17:00. Þetta er síðasta samveran á þessari dymbilviku en áður hafa Passíusálmar Hallgríms Péturssonar verið fluttir í Valþjófsstaðarkirkju, Sleðbrjótskirkju, Seyðisfjarðarkirkju, Vallaneskirkju og Bakkagerðiskirkju. Það er Hlín Pétursdóttir Behrens og Austuróp! sem hafa boðið upp á þessa mögnuðu tónlistar- og trúarveislu í prestakallinu okkar.

Páskadagur:

Hátíðarmessa kl. 8:00 árdegis í Egilsstaðakirkju. Sr. Þorgeir Arason. Organisti Sándor Kerekes. Kór Egilsstaðakirkju. Morgunkaffi í Safnaðarheimili eftir messu. (Athugið: Enginn sunnudagaskóli á páskadag.)

Hátíðarmessa kl 9:00 í Seyðisfjarðarkirkju. Sr. Sigríður Rún Tryggvadóttir. Organisti Rusa Petriashvili. Kór Seyðisfjarðarkirkju. Morgunkaffi í safnaðarheimili eftir messu.

Hátíðarmessa í Áskirkju í Fellum kl. 10:00. Sr. Kristín Þórunn Tómasdóttir. Organisti Hlín Pétursdóttir Behrens. Kór Áskirkju.

Hjúkrunarheimilið Fossahlíð, Seyðisfirði: Páskamessa kl. 11:00 á páskadag. Sr. Sigríður Rún Tryggvadóttir. Organisti Rusa Petriashvili. Kór Seyðisfjarðarkirkju.

Hjúkrunarheimilið Dyngja: Páskamessa kl. 11:15 á páskadag. Sr. Kristín Þórunn Tómasdóttir. Organisti Hlín Pétursdóttir Behrens. Kór Áskirkju.

Hátíðarmessa í Kirkjubæjarkirkju kl. 11:00 – Ferming. Sameiginleg páskamessa Kirkjubæjar- og Sleðbrjótssókna. Sr. Þorgeir Arason. Organisti Jón Ólafur Sigurðsson. Kór Kirkjubæjar- og Sleðbrjótskirkna.

Hátíðarmessa kl. 14:00 í Eiðakirkju– Ferming. Sr. Kristín Þórunn Tómasdóttir. Organisti Jón Ólafur Sigurðsson. Kór Eiðakirkju.

Hátíðarmessa í Þingmúlakirkju kl. 14:00 – sameiginleg páskamessa Vallanes- og Þingmúlasókna. Sr. Sigríður Rún Tryggvadóttir. Organisti Sándor Kerekes. Sveitakórinn – Kór Vallaness og Þingmúla.

Annar dagur páska: Páska-gospelmessa í Bakkagerðiskirkju kl. 14:00. Sr. Þorgeir Arason. Tónlistarstjóri Sándor Kerekes. Bakkasystur syngja.

Verum innilega velkomin til helgihaldsins um þessa bænadaga og páska!

Myndin er af dýrgrip Egilsstaðakirkju af Jesú Kristi krossfestum og upprisnum, sem unglingar á Landsmóti Þjóðkirkjunnar unnu og gáfu.

Hér er yfirlit yfir helgihald og viðburði í prestakallinu okkar í dymbilviku og um páska.

Áskirkja í Fellum:

Páskadagur, 9. apríl: Hátíðarmessa kl. 10:00. Sr. Kristín Þórunn Tómasdóttir. Organisti Hlín Pétursdóttir Behrens. Kór Áskirkju.

Bakkagerðiskirkja

Skírdagur, 6. apríl: Passíusálmar fluttir kl. 17:00. 

Annar dagur páska, 10. apríl: Páska-gospelmessa kl. 14:00. Sr. Þorgeir Arason. Tónlistarstjóri Sándor Kerekes. Bakkasystur syngja.

Egilsstaðakirkja:

Pálmasunnudagur, 2. apríl:

Páskastund barnanna kl. 10:30. Sr. Þorgeir, Sándor og leiðtogar sunnudagaskólans leiða stundina. Páskaeggjaleit. 

Skírdagur, 6. apríl: 

Fermingarmessa kl. 10:30. Sr. Sigríður Rún Tryggvadóttir, sr. Þorgeir Arason og Gunnfríður Katrín Tómasdóttir fræðslufulltrúi. Organisti Sándor Kerekes. Kór Egilsstaðakirkju.

Helgistund með máltíð kl. 18:00. Sr. Þorgeir Arason. Organisti Sándor Kerekes. Óhefðbundin guðsþjónusta þar sem setið er við langborð í kirkjunni í bæn, lofsöng og máltíð Drottins og sameinast í kvöldverði í anda síðustu kvöldmáltíðarinnar.

Föstudagurinn langi, 7. apríl:

Passíusálmar fluttir kl. 17:00.

Páskadagur, 9. apríl:

Hátíðarmessa kl. 8:00 árdegis. Sr. Þorgeir Arason. Organisti Sándor Kerekes. Kór Egilsstaðakirkju. Morgunkaffi í Safnaðarheimili eftir messu. (Athugið: Enginn sunnudagaskóli á páskadag.)

Hjúkrunarheimilið Dyngja: Páskamessa kl. 11:15 á páskadag. Sr. Kristín Þórunn Tómasdóttir. Organisti Hlín Pétursdóttir Behrens. Kór Áskirkju.

Fyrsti sunnudagur eftir páska, 16. apríl:

Sunnudagaskóli í Safnaðarheimili kl. 10:30.

Kvöldmessa kl. 20:00. Sr. Þorgeir Arason. Organisti Sándor Kerekes. Kór Egilsstaðakirkju. Færeyskur biblíuskólahópur tekur virkan þátt í messunni í tónum og töluðu máli.

Eiðakirkja:

Páskadagur, 9. apríl: Hátíðarmessa kl. 14:00 – Ferming. Sr. Kristín Þórunn Tómasdóttir. Organisti Jón Ólafur Sigurðsson. Kór Eiðakirkju.

Hjaltastaðarkirkja:

Skírdagur, 6. apríl: Kvöldmessa kl. 20:00. Sr. Sigríður Rún Tryggvadóttir. Organisti Jón Ólafur Sigurðsson. Söngfuglar kirkjunnar.

Kirkjubæjarkirkja:

Páskadagur, 9. apríl: Hátíðarmessa kl. 11:00 – Ferming. Sameiginleg páskamessa Kirkjubæjar- og Sleðbrjótssókna. Sr. Þorgeir Arason. Organisti Jón Ólafur Sigurðsson. Kór Kirkjubæjar- og Sleðbrjótskirkna.

Seyðisfjarðarkirkja:

Pálmasunnudagur, 2. apríl: Fjölskyldumessa kl. 11:00. Sr. Sigríður Rún leiðir páskastund fyrir börn á öllum aldri. Páskaeggjaleit.

Þriðjudagur í dymbilviku, 4. apríl: Passíusálmar fluttir kl. 17:00. 

Páskadagur, 9. apríl:

Hátíðarmessa kl 9:00. Sr. Sigríður Rún Tryggvadóttir. Organisti Rusa Petriashvili. Kór Seyðisfjarðarkirkju. Morgunkaffi í safnaðarheimili eftir messu.

Hjúkrunarheimilið Fossahlíð, Seyðisfirði: Páskamessa kl. 11:00 á páskadag. Sr. Sigríður Rún Tryggvadóttir. Organisti Rusa Petriashvili. Kór Seyðisfjarðarkirkju.

Sleðbrjótskirkja:

Mánudagur í dymbilviku, 3. apríl: Passíusálmar fluttir kl. 17:00. 

Sumardagurinn fyrsti, 20. apríl: Messa kl. 14:00 – Ferming. Sr. Sigríður Rún Tryggvadóttir. Organisti Jón Ólafur Sigurðsson. Kór Kirkjubæjar- og Sleðbrjótskirkna.

Vallaneskirkja:

Miðvikudagur í dymbilviku, 5. apríl: Passíusálmar fluttir kl. 17:00.

Valþjófsstaðarkirkja:

Pálmasunnudagur, 2. apríl: Passíusálmar fluttir kl. 17:00.

Föstudagurinn langi, 7. apríl: „Píslargangan í Fljótsdal“ kl. 11:00. Gengið frá Valþjófsstaðarkirkju í Skriðuklaustur. Lesið úr Passíusálmunum og píslarsögunni á leiðinni. Sr. Kristín Þórunn Tómasdóttir og Skúli Björn Gunnarsson leiða gönguna, sem er samstarfsverkefni prestakallsins og Gunnarsstofnunar.

Þingmúlakirkja:

Páskadagur, 9. apríl: Hátíðarmessa kl. 14:00 – sameiginleg páskamessa Vallanes- og Þingmúlasókna. Sr. Sigríður Rún Tryggvadóttir. Organisti Sándor Kerekes. Sveitakórinn – Kór Vallaness og Þingmúla.