Að gefnu tilefni er rétt að árétta að allt kirkjustarf í Egilsstaðaprestakalli fer enn um sinn fram skv. áætlun. Þar á meðal má nefna að engar breytingar eru í bili á áætluðum fermingardögum vorsins. Þetta gæti vitaskuld breyst komi til samkomubanns.

Í ljósi þess að lýst hefur verið yfir neyðarstigi almannavarna hefur biskup Íslands þó sent prestum landsins tilmæli um sérstaka aðgát eftir fyrirmælum sóttvarnalæknis. Altarisgöngur fara ekki fram í bili samkvæmt þessum tilmælum. Enn fremur eru viðstaddir við kirkjulegar athafnir beðnir að sleppa handaböndum og faðmlögum að sinni. Við sýnum í staðinn samstöðu okkar og umhyggju með brosi og hlýlegum orðum eftir því sem við á.

Munum eftir sérstakri aðgát og tillitssemi í garð þeirra sem viðkvæmastir eru fyrir áhrifum veirunnar, t.d. öldruðum og langveikum. Biðjum gjarnan fyrir þeim hópum, fyrir smituðum og þeim heilbrigðisstarfsmönnum sem vinna hörðum höndum að því að takmarka útbreiðslu veirunnar.

Sóknarprestur.