Laugardaginn 15. febrúar kl. 10-15 verður námskeið í kyrrðarbæn (Centering Prayer) haldið í Safnaðarheimili Egilsstaðakirkju. Kennari er Dagmar Ósk Atladóttir, sem lokið hefur leiðbeinandanámi á vegum Kyrrðarbænasamtakanna á Íslandi. Kyrrðarbæn byggist á aldagamalli hefð kristinnar íhugunar og stefnir að nánara samfélagi við Guð. Ávöxtur iðkunarinnar er oftar en ekki kyrrð hið innra, andspænis streituhlöðnu þjóðfélagi. Verð á námskeiðinu er 3.500 kr. og innifalin súpa í hádeginu. Verið velkomin, ekki nauðsynlegt að skrá sig.

Sunnudagur 16. febrúar: Sunnudagaskóli kl. 10:30 í Safnaðarheimilinu.