Árleg guðsþjónusta í útileikhúsinu í Selskógi á Egilsstöðum (göngustígur er þangað upp frá bílastæði) sunnudaginn 8. júlí kl. 10:30

Sr. Sigríður Rún Tryggvadóttir leiðir stundina og predikar. Torvald Gjerde leikur á harmoniku.

Grillaðar pylsur og gos eftir stundina. Allir velkomnir!

Meðhjálparar og yfirgrillarar eru Ágúst Arnórsson og María Veigsdóttir.

(Ef ekki viðrar til útimessu verðum við í Egilsstaðakirkju.)

Fimmtudagurinn 28. júní kl. 20 í Egilsstaðakirkju:

Katrín Edda Jónsdóttir á píanó – Kristófer Gauti Þórhallsson og Þuríður Nótt Björgvinsdóttir á fiðlu.

Charles Ross, selló – Torvald Gjerde, orgel og píanó

Efnisskrá: Nemendur frá Egilsstöðum á framhaldsstigi spila mjög fjölbreytta tónlist m.a. eftir Bach, Mozart, Chopin, Rachmaninof og Piazolla og enda á kvartett eftir Mozart. Meðleikarar eru Charles Ross og Torvald Gjerde, tónlistarkennarar.

Öystein og Sóley

Sunnudagurinn 1. júlí kl. 20 í Vallaneskirkju:

Sóley Þrastardóttir, flauta

Öystein M. Gjerde, gítar

Efnisskrá: Saga tangósins eftir Piazolla, þættir sem sýna þróun tangósins á tuttugustu öldinni til dagsins í dag. Stutt stykki eftir Ibert og endar svo á þáttum úr Mountain Songs eftir Beaser, byggð á þjóðlögum.

Sóley er skólastjóri Tónlistarskólans á Egilsstöðum og Öystein er tónlistarkennari á Héraði.

Enginn aðgangseyrir er á tónlistarstundum 2018. Sumardagskrána í heild má sjá hér.
Tónleikaröðin er styrkt af Uppbyggingarsjóði Austurlands,
Fljótsdalshéraði, Alcoa, Egilsstaðakirkju og Vallaneskirkju.

Eiðakirkja

Eiðakirkja:

Laugardaginn 30. júní: Messa á Eiðum kl. 14:00. Allir velkomnir! Fermdur verður Máni Benediktsson, Egilsstöðum. Organisti Jón Ólafur Sigurðsson. Kór Eiðakirkju. Sr. Þorgeir Arason,

Kirkjubæjarkirkja:

Sunnudaginn 1. júlí: Messa á Kirkjubæ kl. 14:00. Allir velkomnir! Fermdur verður Stefán Jón Hafsteinn Þórarinsson, Egilsstöðum. Organisti Jón Ólafur Sigurðsson. Kór Kirkjubæjar- og Sleðbrjótskirkna. Sr. Sigríður Rún Tryggvadóttir.

Hjaltastaðarkirkja:

Sunnudaginn 1. júlí: Kvöldmessa á Hjaltastað kl. 20:00. Allir velkomnir! Sigríður Laufey Sigurjónsdóttir leiðir tónlistina með söngfólki. Meðhjálpari Hildigunnur Sigþórsdóttir. Sr. Sigríður Rún Tryggvadóttir.

Á björtum sumarkvöldum er fátt betra en að sækja nærandi samfélag í kvöldmessu. Sunnudaginn 1. júlí er messa í Hjaltastaðarkirkju kl. 20. Sigríður Laufey Sigurjónsdóttir sér um tónlistina ásamt söngfuglum. 

Prestur er sr. Sigríður Rún Tryggvadóttir.

Meðhjálpari er Hildigunnur Sigþórsdóttir.

Eiríksstaðakirkja á Efra-Jökuldal:

Sumarmessa sunnudaginn 24. júní kl. 14:00.

Prestur sr. Þorgeir Arason. Organisti Jón Ólafur Sigurðsson. Almennur söngur. Hringjari Gréta Þórðardóttir.

Allir velkomnir!

Altaristafla Eiríksstaðakirkju: Emmausfararnir eftir Jóhann Briem

Laugardagurinn 16. júní:

Áskirkja í Fellum: Messa kl. 11:00. Fermd verða Silja Hrönn Sverrisdóttir og Unnar Aðalsteinsson. Organisti Torvald Gjerde. Sr. Sigríður Rún Tryggvadóttir.

Hofteigskirkja á Jökuldal: Messa kl. 15:00. Fermdur verður Óli Jóhannes Gunnþórsson. Organisti Jón Ólafur Sigurðsson. Sr. Sigríður Rún Tryggvadóttir.

Þjóðhátíðardagurinn, 17. júní:

Egilsstaðakirkja: Hátíðarguðsþjónusta fyrir alla fjölskylduna kl. 10:30. Skrúðganga frá kirkjunni eftir stundina. Organisti Torvald Gjerde. Kór Egilsstaðakirkju. Sr. Þorgeir Arason.

Seyðisfjarðarkirkja: Hátíðarguðsþjónusta kl. 14:00 í skrúðgarði við kirkju, við upphaf hátíðarhalda. Organisti Sigurbjörg Kristínardóttir. Kór Seyðisfjarðarkirkju. Sr. Sigríður Rún Tryggvadóttir.

Tónleikaröðin Tónlistarstundir á Héraði hefst á þriðjudagskvöld í Egilsstaðakirkju með orgeltónleikum.  Haldnir verða sex tónleikar, fernir í Egilsstaðakirkju og tvennir í Vallaneskirkju. Allir eru velkomnir á tónleikana og það er enginn aðgangseyrir.

Dagskrá tónleikaraðarinnar er eftirfarandi.

Tónlistarstundir – Lenka Mateova og Kittý Kovács -Þriðjudaginn 12. júní kl. 20 í Egilsstaðaskirkju

Lenka Mateova  organisti í Kópavogskirkju, sem áður var á Fáskrúðsfirði, Stöðvarfirði og í Heydölum og Kittý Kovács organisti á Vestmannaeyjum, nýútskrifaður einleikari frá Tónskóla þjóðkirkjunnar.

Tónlistarstundir – Kammerkór Egilsstaðakirkju – Fimmtudaginn 14. júní klukkan 20 í Vallaneskirkju

Kammerkór Egilsstaðakirkju, undir stjórn Torvalds Gjerde, syngur tónleika á Tónlistarstund í Vallaneskirkju, fimmtudaginn 14. júní klukkan 20. Á efnisskránni eru til dæmis falleg íslensk sem og erlend vor- og sumarlög auk tveggja kafla úr Missa Papae Marcelli eftir Palestrina.

Tónlistarstundir – Tinna Þorvalds Önnudóttir og Alda Rut Garðarsdóttir – Fimmtudaginn 21. júní klukkan 20 í Egilsstaðakirkju

Tinna Þorvalds Önnudóttir, mezzósópran, ættuð úr Berufirði og Alda Rut Garðarsdóttir, píanó, frá Stöðvarfirði.

Tónlistarstundir – Framhaldsnemar á fiðlu og píanó frá Egilsstöðum – Fimmtudaginn 28. júní klukkan 20 í Egilsstaðakirkju

Framhaldsnemar á fiðlu og píanó frá Egilsstöðum, Charles Ross, selló, tónlistarkennari á Héraði og Torvald Gjerde, píanó og orgel, organisti og tónlistarkennari á Héraði.

Tónlistarstundir – Sóley Þrastardóttir, flauta, og Öystein M. Gjerde, gítar – Sunnudaginn 1. júlí klukkan 20 í Vallaneskirkju

Sóley Þrastardóttir, flauta, skólastjóri Tónlistarskólans á Egilsstöðum og Öystein M. Gjerde, gítar, tónlistarkennari á Héraði.

Tónlistarstundir – Olga vocal, 5-manna sönghópur, frá Hollandi -Sunnudaginn 8. júlí klukkan 17 í Egilsstaðakirkju

Olga vocal, 5-manna sönghópur, frá Hollandi, þar á meðal tveir Íslendingar. Hópurinn hefur komið fram í ýmsum löndum, einnig í íslensku sjónvarpi.

Tónleikaröðin er styrkt af Uppbyggingarsjóði Austurlands, Fljótsdalshéraði, Alcoa, Egilsstaðakirkju og Vallaneskirkju.

Árleg kvöldmessa á sumri í Sleðbrjótskirkju í Jökulsárhlíð verður sunnudaginn 10. júní kl. 20:00.

Prestur Þorgeir Arason,

organisti Jón Ólafur Sigurðsson,

Kór Kirkjubæjar- og Sleðbrjótskirkna syngur,

meðhjálpari Margrét Dögg Guðgeirsdóttir Hjarðar.

Allir velkomnir!

Áskirkja í Fellum:  Messa kl. 11 – Ferming, sjá fermingarbörn hér.  Prestur er sr. Ólöf Margrét Snorradóttir. Organisti er Drífa Sigurðardóttir og kór Áskirkju leiðir safnaðarsöng.

Bakkagerðiskirkja: Sjómannadagsmessa við Hafnarhólmann kl. 11 (í kirkju ef viðrar illa). Prestur er sr. Þorgeir Arason. Bakkasystur syngja og organisti er Jón Ólafur Sigurðsson.

Seyðisfjarðarkirkja: Sjómannadagsmessa kl. 20. Ræðumaður er Þórbergur Torfason. Sigurbjörg Kristínardóttir er organisti. Kór Seyðisfjarðarkirkju leiðir safnaðarsöng. Kaffi og kökur í safnaðarheimili eftir messu.

Aðalfundur Hjaltastaðarsóknar verður haldinn í Hjaltastaðarkirkju fimmtudaginn 7. júní kl. 15.00. Á dagskrá eru venjuleg aðalfundarstörf.

Sóknarbörn látið ykkur málefni kirkjunnar ykkar varða.