Við óskum sjómönnum og fjölskyldum þeirra til hamingju með daginn. 

Bakkagerðiskirkja

Á sjómannadaginn er að vanda guðsþjónusta á Borgarfirði kl. 11:00. Vegna veðurspár verður sjómannadagsmessan í Bakkagerðiskirkju að þessu sinni (ekki við höfnina).

Prestur Þorgeir Arason. Organisti Jón Ólafur Sigurðsson. Bakkasystur syngja. Meðhjálpari Kristjana Björnsdóttir. Verið velkomin!

Seyðisfjarðarkirkja

Á sjómannadag er kvöldguðsþjónusta kl 20.00 

Hátíðarræðu flytur Tryggvi Gunnarsson. Sjómannsfrúr lesa ritningalestra.

Kór Seyðisfjarðarkirkju leiðir almennan safnaðarsöng. Organisti er Rusa Petriashvili. 

Útskrift úr Leiðtogaskóla Kirkjunnar. 

Prestur er Sigríður Rún Tryggvadóttir og meðhjálpari er Jóhann Grétar Einarsson 

 Kaffi og konfekt í safnaðarheimili eftir messu. 

Hvítasunnan er ein af þremur stórhátíðum kristinnar kirkju. Þá er þess minnst þegar heilagur andi Guðs kom yfir vini Jesú, sem hófu að boða mörgum góðu fréttirnar um Jesú og kirkjan var stofnuð.

Helgihald í Egilsstaðaprestakalli á hvítasunnudag, 5. júní 2022:

Áskirkja Fellum:

Hátíðarmessa – ferming kl 14:00.

Organsti Drífa Sigurðardóttir. Prestur sr. Sigríður Rún Tryggvadóttir. 

Egilsstaðakirkja:

Hátíðarmessa – ferming kl. 10:30.

Sr. Þorgeir Arason predikar og þjónar fyrir altari ásamt Berglindi Hönnudóttur fræðslufulltrúa og sr. Vigfúsi I. Ingvarssyni. Meðhjálpari Ástríður Kristinsdóttir. Organisti Torvald Gjerde. Kór Egilsstaðakirkju.

Seyðisfjarðarkirkja:

Hátíðarmessa – ferming kl. 11:00.

Prestur sr. Sigríður Rún Tryggvadóttir. Kór Seyðisfjarðarkirkju syngur. Organisti Rusa Petriashvili. 

Fermingarskeyti kirkjunnar til sölu í safnaðarheimilinu fös 3. júní kl 15-17. Eða í síma 8932783. 

Verið velkomin til kirkju!

Sunnudaginn 22. maí útvarpaði Rás 1 guðsþjónustu frá Egilsstaðakirkju sem tekin var upp á dögunum. Upptakan er aðgengileg hér.

Vert er að nefna að Elke Schnabel lék á trompet í guðsþjónustunni en nafn hennar féll því miður niður í dagskrárkynningu. Einnig misritaðist nafn Jónasar Þórs Jóhannssonar sem flutti ávarp og bæn í upphafi.

Sunnudaginn 22. maí er messa í Egilsstaðakirkju kl 14.00. Messan er helguð degi aldraðra sem ár hvert ber upp á uppstigningardag.

Kór Egilsstaðakirkju leiðir söng ásamt félögum úr Kór eldri borgara. Organisti er Torvald Gjerde. Sr. Brynhildur Óla Elínardóttir og Dóra Sólrún Kristinsdóttir, djákni þjóna.Meðhjálpari Auður Anna Ingólfsdóttir.

Eftir messu sjá þær Ragnheiður Ragnarsdóttir, Ingibjörg Snorradóttir og Elísa Petra Bohn um messukaffi í safnaðarheimili kirkjunnar.

Verið hjartanlega velkomin

Streymi frá útför Elfríð Ídu Emmu Pálsdóttur er hér

Aðalsafnaðarfundur Egilsstaðasóknar verður haldinn fimmtudaginn 5. Maí 2022 í safnaðarheimili Egilsstaðakirkju og hefst kl. 17:00.

Dagskrá fundarins er samkvæmt 15. grein starfsreglna um sóknarnefndir nr 1111/2011

1. Gerð grein fyrir starfsemi og rekstri sóknarinnar á liðnu starfsári.

2. Afgreiðslu reikninga sóknar og kirkjugarðs fyrir sl. ár, ásamt fjárhagsáætlun næsta árs.

3. Greint frá starfsemi héraðsnefndar og héraðsfundi.

4. Ákvörðun um meiriháttar framkvæmdir og framtíðarskuldbindingar.

5. Kosning tveggja skoðunarmanna eða endurskoðanda sóknar og kirkjugarðs og varamanna þeirra til árs í senn.

6. Kosning sóknarnefndar.1)

7. Kosning kjörnefndar.1)

8. Kosning í aðrar nefndir og ráð.1)

9. Önnur mál.1)

Jónas Þór Jóhannsson formaður sóknarnefndar.

Egilsstaðakirkja – Sunnudagurinn 8. maí

Vorhátíð barnastarfsins

Ferð í Kirkjumiðstöðina (sumarbúðir) við Eiðavatn þar sem við ljúkum vetrarstarfinu saman.

Rúta frá Egilsstaðakirkju kl. 10:00 – Samvera hefst í Kirkjumiðstöðinni kl. 10:30

Að lokinni samveru höldum við pylsupartí, fjársjóðsleit og leikum okkur.

Skráning í rútuna á egilsstadakirkja@gmail.com í síðasta lagi föstudaginn 6. maí – einnig hægt að mæta beint á staðinn.

Öllum börnum sem tekið hafa þátt í sunnudagaskólanum og Stjörnustund í Egilsstaðakirkju og Kirkjuselinu Fellabæ í vetur er boðið til þátttöku ásamt forráðamönnum. Umsjón með stundinni hafa sr. Þorgeir, sr. Brynhildur, Torvald, Elísa og Ragnheiður. Dagskrá lýkur á Eiðum um kl. 12:00 og þá er heimferð rútu.

Kvöldmessa kl. 20:00 – Mæðradagurinn

Sr. Þorgeir Arason og Dóra Sólrún Kristinsdóttir, djákni, þjóna fyrir altari og flytja hugvekjur um móðurkærleika Guðs og um móðurhlutverkið.

Kór Egilsstaðakirkju syngur. Organisti Torvald Gjerde. Meðhjálpari Auður Ingólfsdóttir.

Kaffisopi í lokin – Verum velkomin!

Sunnudagaskóli í Egilsstaðakirkju kl. 10:30. Þennan sunnudag er hefðbundin samvera hjá okkur í kirkjunni með sögu, söng, brúðum og litastund. Þann 8. maí verður svo vorhátíðin okkar og lokastund vetrarstarfsins, nánar auglýst síðar.

Kaffihúsamessa á Arnhólsstöðum í Skriðdal kl. 15:00:

Sunnudagaskólinn er á sínum stað í Egilsstaðakirkju 24. apríl kl. 10:30. Verið velkomin!