Nú á tímum kórónaveiru og samkomutakmörkunar reynum við í Egilsstaðaprestakalli, eins og kirkjur svo víða annars staðar, að nota tæknina til að bjóða fólki til helgihalds.

Síðasta sunnudag, 19. apríl, var helgistund frá Egilsstaðakirkju streymt á Facebook-síðu Egilsstaðaprestakalls. Umsjón höfðu sr. Þorgeir og Torvald organisti. Fleiri slíkum stundum úr kirkjunum okkar verður streymt á sama stað á næstu vikum, með hugvekju, tónlist og bæn.

Þegar aftur verður hægt að mæta til guðsþjónustu verður það að sjálfsögðu auglýst hér á vefnum.