Aðventukvöld Þingmúla- og Vallanessókna verður haldið á félagsheimilinu Arnhólsstöðum í Skriðdal mánudaginn 15. desember kl. 19:00 (ath. tímann).

Kór Vallaness og Þingmúla syngur fyrir okkur aðventu- og jólalög og leiðir almennan söng undir stjórn Sándors Kerekes organista. Íris Randversdóttir leikles jólasöguna „Fyrsta kraftaverkið“ í eigin þýðingu. Sr. Þorgeir Arason leiðir stundina og flytur stutta hugvekju. Kaffiveitingar. Komum og eigum gott samfélag á Arnhólsstöðum í aðdraganda hátíðar!