Árleg sumarmessa í Klyppstaðarkirkju verður að þessu sinni sunnudaginn 17. júlí kl 14. Bakkasystur ætla að leiða okkur í almennum söng.

Sr. Kristín Þórunn Tómasdóttir prédikar og þjónar fyrir altari ásamt sr. Sigríði Rún Tryggvadóttur og sr. Jóhönna Sigmarsdóttur, fv prófasti og sóknarpresti. Meðhjálpari er Kristjana Björnsdóttir.
Eftir messu er boðið upp á kaffi og meðlæti í skála ferðafélags Fljótsdalshéraðs.

Athugið að það þarf að áætla um 1,5 klst. akstur frá Borgarfirði eystra. Vegurinn er aðeins fær fjórhjóladrifnum bílum og gott er að fjölmenna í bílana. Messan á Klyppstað hefur að jafnaði verið vel sótt af ferðafólki og úr nágrannabyggðum.

Prestur sat á Klyppstað til ársins 1888. Eftir það var staðnum þjónað frá Dvergasteini og síðar Seyðisfirði. Sú kirkja sem þar stendur nú var byggð 1895, yfirsmiður var Jón Baldvin Jóhannesson, bóndi í Stakkhlíð. Kirkjan er friðað hús og hefur ekki verið afhelguð. Fyrri hluta 20. aldar var blómleg byggð í Loðmundarfirði. Um aldamótin 1900 voru þar 87 íbúar. Byggð lagðist þar af um 1973.