Desember er erfiður tími fyrir marga sem misst hafa ástvini sína. Fimmtudagskvöldið 28. nóvember kl. 20:00 verður árleg samvera á vegum Austurlandsprófastsdæmis undir yfirskriftinni „Sorgin og jólin.“ Samveran fer fram í Kirkjuselinu í Fellabæ.

Sr. Hólmgrímur E. Bragason, prestur og mannauðssérfræðingur hjá Fjarðaáli, mun að þessu sinni flytja erindi um efnið. Drífa Sigurðardóttir og félagar úr Kór Áskirkju flytja ljúfa tóna. Bænaljósin tendruð í minningu og von. Sr. Ólöf Margrét Snorradóttir leiðir stundina. Kaffi og spjall í lokin. Verið innilega velkomin.