Við komum saman til kvöldmessu sunnudaginn 18. ágúst kl. 20. Sigríður Laufey Sigurjónsdóttir og Droplaug Dagbjartsdóttir leika á orgel, Áslaug Sigurgestsdóttir leikur á þverflautu og forsöngvarar leiða okkur í almennum söng.

 Prestur er sr. Sigríður Rún Tryggvadóttir og meðhjálpari er Hildigunnur Sigþórsdóttir.

Hildigunnur Sigþórsdóttir lætur nú af störfum í sóknarnefnd Hjaltastaðasóknar og eru henni þökkuð sín óeigingjörnu störf fyrir sóknina og kirkjuna síðastliðna áratugi. Af því tilefni er viðstöddum boðið að þiggja veitingar í Hjaltalundi að messu lokinni.