Sr. Jarþrúður Árnadóttir verður nýr prestur hér í Egilsstaðaprestakalli. Við bjóðum hana innilega velkomna til starfa og væntum góðs af þjónustu hennar í prestakallinu!

Jarþrúður, sem er fædd 1988, vígðist til Langanes- og Skinnastaðarprestakalls árið 2019 og hefur þjónað þar síðan, með aðsetur og meginstarfsskyldur á Þórshöfn. Undanfarið ár hefur hún einnig þjónað Hofsprestakalli í Vopnafirði í afleysingum. Nánar má lesa um ráðningu sr. Jarþrúðar hér á heimasíðu Þjóðkirkjunnar.

Í Egilsstaðaprestakalli starfa sem fyrr þrír prestar og mun Jarþrúður starfa við hlið Sigríðar Rúnar Tryggvadóttur og Þorgeirs Arasonar. Hún verður með starfsstöð í Kirkjuselinu í Fellabæ en starfið var auglýst með sérstakar skyldur við Ássókn þó að allir prestarnir þjóni í sameiningu öllum sóknum prestakallsins. Sr. Jarþrúður tekur við af sr. Kristínu Þórunni Tómasdóttur, sem flutti sig nýlega til í starfi.

Útför Ólafs Guðnasonar verður gerð frá Seyðisfjarðarkirkju í dag, 5. október kl 14.00. Hægt er að fylgjast með í streymi hér

HVAR ER KROSSINN? – Rómantískur söngleikur í þremur köflum

Verður fluttur 5. október 2024 kl. 17:00 í Egilsstaðakirkju í tilefni af 50 ára afmæli kirkjunnar.
Ókeypis aðgangur í boði styrktaraðila afmælisárs Egilsstaðakirkju.

PERSÓNUR OG LEIKENDUR:
Pör:
Stefanía Þórdís Vídalín, András Kerekes.
Margrét Lára Þórarinsdóttir, Árni Friðriksson.
Guðrún Sóley Guðmundsdóttir, Broddi B. Bjarnason.
Smiðir: Stefán Bogi Sveinsson, Guðmundur Aðalsteinsson
Eftirlitsmaður: Úlfar Trausti Þórðarson
Prestur: Þorgeir Arason
Organistar: Ásgeir Hvítaskáld, Sándor Kerekes
Útvarpsþulur: Halla Helgadóttir

Söngur: Englakór Möggu Láru og Kór Kirkjusmiða
Einsöngvarar : Ásdís, Bergljót Halla, Eygló, Heiða, Jarþrúður, Nunna Maja, Tryggvi
Listrænir stjórnendur: Drífa Sigurðardóttir, Sándor Kerekes

Hljómsveit:
Bergur Hallgrímsson, Sándor Kerekes, Wes Stephens
Ljós: Karl Emil Guðmundsson
Aðstoðarleikstjórar: Eygló Daníelsdóttir, Elenora Ósk Þórðar’Ingós, Ásgeir Hvítaskáld

Leikstjóri: Sándor Kerekes

Boðið til SálmaVals: Syngjum saman – Óskalagakvöld á Ormsteiti!

Sunnudaginn 22. september kl. 20:00 – á lokakvöldi Ormsteitis – bjóðum við til SálmaVals – óskalagakvölds og samsöngs í Egilsstaðakirkju. Þau sem koma til kirkju fá afhentan lista með 50 sálmum og 50 þekktum lögum úr ýmsum áttum, íslenskum og erlendum. Síðan syngjum við saman í um klukkustund þau lög og sálma sem þátttakendur óska eftir.

Sándor Kerekes tónlistarstjóri kirkjunnar verður við flygilinn og töfrar fram tóna af sinni þekktu snilld. Sóknarprestur leiðir stundina og sönginn. Aldrei að vita nema leynigestur taki lagið. Við erum öll velkomin og enginn aðgangseyrir.

Hið vinsæla meðvirkninámskeið, sem um árabil var haldið í Skálholti, verður nú í boði fyrir Austfirðinga dagana 17.-21. október 2024 í Kirkjumiðstöð Austurlands við Eiðavatn.

Námskeiðið er hannað með það að markmiði að veita þátttakendum tı́ma, næði og tækifæri til að öðlast dýpri innsýn ı́ eigin tilfinningar og reynslu. Áhersla er lögð á sjálfsvinnu og innri vöxt, þar sem
þátttakendur vinna með og læra að þekkja einkenni meðvirkni, auka skilning sinn á sjálfum sér og
bæta vellı́ðan.

Dagskrá námskeiðsins má sjá hér.
Umsjón með námskeiðinu hafa:

• Sr. Anna Sigrı́ður Pálsdóttir sem hefur starfað um árabil við fjölskylduráðgjöf og handleiðslu
  ásamt preststörfum ı́ Grafarvogskirkju og Dómkirkjunni ı́ Reykjavı́k.
• Hafdı́s Þorsteinsdóttir fjölskyldu- og félagsráðgjafi, eigandi samskipta- og ráðgjafastofunnar
  Leitum leiða.
• Skráning: leitumleida@leitumleida.is
• Nánari upplýsingar:
• anna.sigridur@simnet.is S: 861 7201
• hafdis@leitumleida.is S: 857 7575
• Námskeiðsgjald með fæði og gistingu í 5 daga (4 nætur) er 150.000 kr.
  Staðfestingargjald 50.000 kr. (óendurkræft).
  Námskeiðið hefst kl. 10 á fimmtudegi og lýkur kl. 14 á mánudegi.
  Hámarksfjöldi þátttakenda er 16 manns.
• Innifalið er fræðsla, hópavinna og einstaklingsviðtöl og eftirfylgnihópar einu sinni ı́ viku ı́ fjórar vikur á Netinu að námskeiði loknu. Hægt er að sækja um styrk fyrir námskeiðsgjöldum hjá flestum stéttarfélögum.

Helgihald sunnudaginn 15. september

Egilsstaðakirkja:

Sunnudagaskóli kl. 10:30 í kirkjunni. Sr. Þorgeir, Sándor, Elísa, Guðný og Ragnheiður ásamt fermingarbörnum, Rebba og Mýslu taka vel á móti börnum á öllum aldri!

Kvöldmessa kl. 20:00. Sr. Þorgeir Arason predikar og þjónar fyrir altari. Kór Egilsstaðakirkju og Sándor Kerekes organisti leiða lofsönginn,

Hjúkrunarheimilið Dyngja:

Guðsþjónusta sama dag kl. 17:00. Sr. Þorgeir Arason. Kór Egilsstaðakirkju og Sándor Kerekes organisti.

Verið velkomin!

10. september er Alþjóðlegur forvarnadagur sjálfsvíga og er einnig hér á landi tileinkaður minningu þeirra sem fallið hafa fyrir eigin hendi. Að venju verður kyrrðarstund í Egilsstaðakirkju kl. 20.00 að kvöldi 10. september, en í ár ber daginn upp á þriðjudag.

Benedikt Þór Guðmundsson verkefnastjóri hjá Píeta-samtökunum flytur hugvekju þar sem hann deilir reynslu sinni sem aðstandandi eftir sjálfsvíg, og segir frá Píeta. Úlfar Trausti Þórðarson og Sándor Kerekes flytja okkur fallega tónlist. Prestar Egilsstaðaprestakalls leiða stundina og flytja íhugunarorð. Viðstöddum gefst kostur á að tendra kertaljós í minningu, von og bæn.

Kaffisopi eftir stundina. Verið innilega velkomin.

verður gerð frá Seyðisfjarðarkirkju föstudaginn 6. september kl.14.00.

Hér er að fylgjast með streymi hér

Í tilefni af 50 ára afmæli Egilsstaðakirkju í ár hefjum við vetrarstarfið með AFMÆLISHÁTÍÐ BARNANNA sunnudaginn 8. september kl. 10:30 í boði Lionsklúbbsins Múla.

Sérstakur gestur verður Einar Aron töframaður og eigum við í vændum skemmtilega töfrasýningu fyrir unga sem aldna!

Mikill söngur, gleði og góður boðskapur!

Hátíðin markar jafnframt upphaf sunnudagaskólans í Egilsstaðakirkju vetur sem verður að vanda alla sunnudaga kl. 10:30.

Afmæliskaka og pylsur fyrir alla í lokin!
Verið velkomin!