Messa í Áskirkju í Fellum sunnudaginn 9. febrúar kl. 14:00, þar sem prófastur Austurlandsprófastsdæmis, sr. Sigríður Rún Tryggvadóttir, mun setja sr. Jarþrúði Árnadóttur inn í embætti prests í Egilsstaðaprestakalli.
Sr. Jarþrúður predikar og þjónar fyrir altari ásamt prófasti og sr. Þorgeiri Arasyni sóknarpresti.
Kór Áskirkju syngur, organisti og söngstjóri er Drífa Sigurðardóttir. Áslaug Sigurgestsdóttir leikur á þverflautu.
Fulltrúar sóknarnefndar Ássóknar lesa ritningarlestra. Meðhjálpari er Bergsteinn Brynjólfsson. Kristófer Hilmar Brynjólfsson mun einnig lesa og aðstoða við helgihaldið.
Að athöfn lokinni býður sóknarnefnd Ássóknar til kaffisamsætis í Kirkjuselinu í Fellabæ. Verið öll innilega velkomin!
Miðvikudaginn 5. febrúar kl. 17-19 verður samvera í Safnaðarheimili Egilsstaðakirkju þar sem gestur okkar verður Sigríður Schram, nýr framkvæmdastjóri Kristniboðssambandsins. Hún mun segja okkur frá kristniboðsstarfi og starfsemi sambandsins bæði erlendis og hér heima. Við munum einnig biðja saman og syngja saman við undirleik Sándors við hljómborðið. Boðið verður upp á ljúffenga súpu og við ætlum að eiga gott samfélag. Verið innilega velkomin.
Í framhaldinu mun biblíuleshópur svo hittast á sama stað alla miðvikudaga kl. 17 fram að páskum og erum við öll velkomin að vera þar með eftir því sem það hentar okkur.
Sr. Jarþrúður Árnadóttir, nýr prestur í Egilsstaðaprestakalli, predikar og þjónar fyrir altari og verður þetta fyrsta messa hennar í Egilsstaðakirkju
Kór Egilsstaðakirkju syngur. Organisti Sándor Kerekes.
Kaffisopi eftir messu – Verið velkomin!
Einnig verður guðsþjónusta á Dyngju (salnum Hamri 3. hæð) sama dag kl. 17.00. Sr. Jarþrúður Árnadóttir, Kór Egilsstaðakirkju og Sándor Kerekes organisti.
Útför Svanbjargar Sigurðardóttur (fullt nafn; María Svanbjörg Ragnhildur Sigurðardóttir) verður gerð frá Seyðisfjarðarkirkju í dag, 8. janúar kl 14.00. Hægt er að fylgjast með streymi frá útförinni hér
Þingmúlakirkja: Hátíðarguðsþjónusta kl. 14:00 (sameiginleg fyrir Þingmúla- og Vallanessóknir). Sr. Vigfús Ingvar Ingvarsson. Kór Vallaness og Þingmúla. Organisti: Sándor Kerekes.
26. desember, annar dagur jóla:
Hjaltastaðarkirkja: Hátíðarguðsþjónusta kl. 14:00. Sr. Vigfús Ingvar Ingvarsson. Tónlistina annast Söngfuglar undir stjórn Sigríðar Laufeyjar Sigurjónsdóttur. Einsöngur: Sigríður Þorvaldsdóttir. (Myndin er af Hjaltastaðarkirkju, tekin af Þórhalli Pálssyni.)
Sleðbrjótskirkja: Hátíðarguðsþjónusta kl. 14:00 (sameiginleg fyrir Kirkjubæjar- og Sleðbrjótssóknir). Sr. Þorgeir Arason. Kór Kirkjubæjar- og Sleðbrjótskirkna. Einsöngur: Auður Jónsdóttir. Organisti: Jón Ólafur Sigurðsson.
Egilsstaðakirkja: Fjölskylduguðsþjónusta kl. 14:00. Sr. Sigríður Rún Tryggvadóttir. Barnakór Egilsstaðakirkju. Fermingarbörn flytja ljósahelgileik. Organisti: Sándor Kerekes.
Dyngja, Egilsstöðum: Jólaguðsþjónusta kl. 15:00. Sr. Sigríður Rún Tryggvadóttir. Barnakór Egilsstaðakirkju. Fermingarbörn flytja ljósahelgileik. Organisti: Sándor Kerekes.
Hofteigskirkja: Jólaguðsþjónusta kl. 16:00. Sr. Þorgeir Arason. Organisti: Jón Ólafur Sigurðsson. Almennur safnaðarsöngur undir stjórn forsöngvara.
29. desember, sunnudagur milli jóla og nýárs:
Valþjófsstaðarkirkja: Hátíðarguðsþjónusta kl. 14:00. Sr. Vigfús Ingvar Ingvarsson. Kór Valþjófsstaðarkirkju. Einsöngur: Einar Sveinn Friðriksson. Organisti: Jón Ólafur Sigurðsson.
Hægt er að styrkja jólasjóðinn með því að leggja inn á reikning 0175-15-380606 kt. 530505-0570
en söfnunarreikningurinn er í nafni Safnaðarsamlags Egilsstaðaprestakalls.
Markmið Jólasjóðsins er að styrkja fjölskyldur og einstaklinga í Múlaþingi sem búa við þröngan kost og létta þannig undir fyrir jólahátíðina. Einnig er hægt að sækja um aukaúthlutun allt að tvisvar á ári utan desembermánaðar. Samstarfsaðilar i Múlaþingi eru Þjóðkirkjan, Rauði krossinn, Lions og Afl auk Félagsþjónustunnar. Til að sækja um í jólasjóðinn – smellið hér (rafræn umsókn á vef Múlaþings)
Á lífsleiðinni skiptast á skin og skúrir, gleði og sorgir. Við áföll og missi er gott að leita stuðnings og hlustunar. Prestar veita margs konar ráðgjöf og stuðning og er öllum frjálst að leita til þeirra. Ekki er greitt fyrir sálgæsluviðtöl.
Egilsstaðaprestakall 