Fimmtudagurinn 29. maí er uppstigningardagur, 40 dögum eftir páska. Í Þjóðkirkjunni er það einnig kirkjudagur eldri borgara.

Messa verður í Egilsstaðakirkju á uppstigningardag kl. 14:00. Hugvekju dagsins flytur Broddi Bjarnason. Sönghópur Hlymsdala syngur undir stjórn Sándors Kerekes organista. Einsöngur: Guðsteinn Fannar Jóhannsson. Sr. Þorgeir Arason þjónar fyrir altari. Meðhjálpari er Jónas Þór Jóhannsson. Kirkjukaffi í Safnaðarheimilinu að messu lokinni.

Verum öll velkomin til kirkju!

Tvennir tónleikar eru framundan í Egilsstaðakirkju hjá kórum kirkjunnar – efnisskráin er ólík en tónleikarnir eiga það sameiginlegt að vera mjög metnaðarfullir.

Fabriqué en France – Tónleikar Kammerkórs Egilsstaðakirkju sunnudaginn 4. maí kl. 17:00.

Í kynningu segiur: „Við erum stödd á kaffihúsi í Frakklandi. Vín og croissant ráða ríkjum þegar óvæntir atburðir eiga sér stað sem eiga eftir að hafa áhrif á alla viðstadda. Kammerkór Egilsstaðakirkju undir stjórn Sándor Kerekes flytja verk eftir frönsk tónskáld á borð við Pierre de la Rue, Clément Janequin og Jean-Philippe Rameau. Hvað sem gerist, er ekkert meira viðeigandi en að ljúka litla franska ævintýrinu með Requiem eftir Gabriel Fauré.“ Miðaverð 3000 kr.

Vortónleikar Kórs Egilsstaðakirkju fimmtudaginn 8. maí kl. 18:00.

Efnisskráin verður fjölbreytt og inniheldur bæði trúarleg og veraldleg kórlög úr ýmsum áttum, bæði í klassískum og léttum stíl, með vor- og sumarblæ. Mörg laganna eru vel þekkt, íslensk lög. Stjórnandi og undirleikari er Sándor Kerekes. Aðgangur ókeypis en tekið verður við frjálsum framlögum í ferðasjóð þar sem Kór Egilsstaðakirkju heldur einnig vortónleika í kirkjunni á Höfn í Hornafirði þann 17. maí nk.

Verið velkomin!

Páskastundir fjölskyldunnar eru orðnar að fastri hefði hjá okkur og ávallt vel sóttar. Í Egilsstaðakirkju verður hún á pálmasunnudag 13. apríl kl. 10:30.
Barnakór Egilsstaðakirkju syngur undir stjórn Sándor Kerekes. Boðið verður upp á páskaföndur og páskaeggjaleit í lok stundar. 
sr. Jarþrúður Árnadóttir leiðir stundina.

Og í Seyðisfjarðarkikju mánudaginn 14. apríl kl.17. Kór Seyðisfjarðarkikju leiðir söng og organisti er Hlín Pétursdóttir Behrens. Ísold Gná Sigríðar Ingvadóttir og Sigríður Rún Tryggvadóttir leiða stundina ásamt fermingarbörnum. Í lok stundar er páskaeggjaleit og að lokum verður öllum viðstöddum boðið í pizzur í safnaðarheimilinu.

Verið hjartanlega velkomin

Egilsstaðakirkja: Páskastund fjölskyldunnar á pálmasunnudag, 13. apríl kl. 10:30.

Barnakór Egilsstaðakirkju syngur undir stjórn Sándor Kerekes. Boðið verður upp á páskaföndur og páskaeggjaleit í lok stundar.

Sr. Jarþrúður Árnadóttir leiðir stundina.

Hjaltastaðarkirkja: Fjölskyldustund á pálmasunnudag kl. 14:00.

Söngfuglarnir syngja undir stjórn Sigríðar Laufeyjar Sigurjónsdóttur.

Sr. Sigríður Rún Tryggvadóttir þjónar.

Verið þið öll sömul hjartanlega velkomin í kirkjurnar!

Egilsstaðakirkja:

Sunnudagaskóli í Safnaðarheimilinu kl. 10:30. Rebbi og Mýsla, söngvarnir, biblíusagan, kirkjuleikfimin og hressingin á sínum stað!

Gospelmessa – Friðarmessa í Egilsstaðakirkju sunnudagskvöldið 30. mars kl. 20:00.

Yfirskriftin er „Praying for Peace“ eða „Biðjum fyrir friði“ í ljósi alls sem gengur á í heiminum þessi misserin.

Messan verður með alþjóðlegum blæ sem tákn um samstöðu fólks, sem kemur úr ólíkum áttum, til að vinna verk ljóssins. Þó að messan fari að mestu fram á íslensku mun fólk úr samfélaginu okkar einnig flytja bænir, lestra og söngva á ensku, rúmensku, úkraínsku, skosku, þýsku, spænsku, ungversku og fleiri tungumálum.

Kór Egilsstaðakirkju leiðir okkur í léttum gospelsöng og fallegum lögum undir stjórn Sándors Kerekes við hljómborðið, Tryggvi Hermannsson verður við trommurnar. Einsöngvarar Angelika Liebermeister, Eygló Daníelsdóttir og Borgar Vicentesson. Prestur er Þorgeir Arason og meðhjálpari Jónas Þór Jóhannsson.

Útför Kristjáns Gissurarsonar, organista frá Eiðum, verður gerð frá Egilsstaðakirkju í dag, mánudaginn 24. mars, og hefst athöfnin kl. 11:00. Sr. Davíð Baldursson, fv. prófastur, jarðsyngur.

Streymi frá útförinni má nálgast hér.

Kristján var organisti og söngstjóri við margar af kirkjusóknunum á Héraði og Borgarfirði, um lengri eða skemmri tíma við meirihluta þeirra kirkna, sem nú tilheyra Egilsstaðaprestakalli. Við sumar kirkjurnar starfaði hann áratugum saman.

Sóknarnefndir, söfnuðir, kórar, prestar og organistar í Egilsstaðaprestakalli senda ástvinum Kristjáns samúðarkveðjur með þakklæti og virðingu fyrir hans löngu og trúföstu þjónustu í þágu helgihalds og tónlistarlífs í kirkjunum.