Árlegt aðventukvöld er í Kirkjuselinu Fellabæ, miðvikudaginn 29. nóvember, kl. 20. Við þjófstörtum aðventunni sem er að þessu sinni með allra stysta móti, kveikjum á kransinum, hlustum á fagra tóna, heyrum uppbyggjandi orð og syngjum sálmana góðu sem koma okkur í jólaskap.

Drífa Sigurðardóttir stjórnar kór Áskirkju og leiðir sönginn okkar. Fermingarbörn og stjörnustundarkrakkar lesa og syngja af list. Ræðumaður kvöldsins er Fellamaðurinn Guðlaugur Sæbjörnsson.

Eftir stundina hellir sóknarnefndin upp á kaffi og reiðir fram konfektmola.

INNILEGA VELKOMIN